Xitayning sana'et ishlep chiqirish qimmiti yene töwenlidi

Xitayning sana'et ishlep chiqirish qimmiti bu ayda yene töwenlidi. Bu aydimu xitay iqtisadida ötken 11 aydin buyan dawam qiliwatqan töwenlesh halitide yaxshilinish bolmidi.

En'gliyege tewe xongkong-shangxey banka sistémisi guruhi: HSBC ning charshenbe künidiki doklatigha qarighanda, xitay sana'et ishlep chiqirish qimmitidiki bu xil töwenlesh xitay rehberliride bésim peyda qilghan.

Doklatqa qarighanda, xitaydiki xam eshya sétiwélish körsetküchimu bu ayda ötken aydiki 48.2 Po'inttin 47.7 Po'intqa chüshüp qalghan.

Eger, 100 po'intliq bu körsetküch 50 po'inttin töwenlep ketse, bu iqtisadiy tereqqiyat kölimining tariyiwatqanliqini körsitidiken.

Seyshenbe küni, xitay bash ministiri li kéchyang xitay axbaratining ziyariti qobul qilip, xitay iqtisadidiki bu xil astilashni tilgha alghan we ösüsh nisbiti 7 pirsenttin towen bolsa qet'iy bolmaydighanliqini bildürgen idi.