Yerlik xitay saqchi orunlirining chet eldiki Uyghurlarning ijtima'iy taratqu hésaplirini teqip qilidighanliqi ashkarlandi

Muxbirimiz erkin
2020-12-18
Share

Uyghur élidiki yerlik saqchi orunlirining chet eldiki Uyghurlarning ijtima'iy taratqu hésaplirini teqip qilidighanliqi ashkarlandi. CNN Ning xewer qilishiche, xitayning yerlik saqchi orunliri chet eldiki Uyghurlarning ijtima'iy taratqu hésablirini teqip qilip, ularning yollighan uchurlirini yurtidiki a'ile-tawabi'atlirigha bésim ishlitish üchün ishletmekte iken. CNN Ning xewiride shiwétsiyede turushluq elima nurillah isimlik Uyghur muhajiri duch kelgen weqe alahide tonushturulup, buning chet eldiki Uyghurlar uchrawatqan omumiy hadise ichidiki tipik bir misal ikenliki tekitlen'gen.

Elima nurullah 2018-yili lagérgha élip kétilgen ghuljadiki newre hedisi mahire yaqupning xewirini tiwittérda élan qilghanliqi üchün ghuljadiki saqchilarning teqip qilishigha uchrap, uning ghuljadiki ata-anisi saqchilarning bésimi we tehditige uchrighan. Mahire yaqup awstraliyediki ata-anisigha pul salghanliqi üchün tutqun qilinip, bu yil 9-ayning bashlirida qoyup bérilgen bolsimu, lékin u bir kündin kéyin qayta tutqun qilin'ghan idi.

Elima nurullahning CNN ge bildürüshiche, u her qétim tiwittérgha uchur yollisa ghuljadiki xitay saqchiliri uning a'ilisini izdeydiken. Biraq u tiwittérning xitay saqchilirining birdin-bir teqip qilish usuli emesliki, ularning ilgiri ündidar arqiliq uning bilen alaqiliship uning pasporti we shiwétsiyediki adrésini sorighanliqini bildürgen. En'giliyediki nottinxam uniwérsitétining tetqiqatchisi, Uyghurshunas rayin samning tekitlishiche, tiwittér xitayda échilmisimu, lékin bu weqe xitay da'irilirining tiwittérni teqip qilidighanliqini körsitidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet