Uyghur élige kelgen xitay sayahetchilerge 200 somdin mukapat bérilmekchi

Muxbirimiz méhriban
2015.12.25
Share on WhatsApp
Share on WhatsApp

Xitayning “Shinjang xewerler tori” ning 25-dékabirdiki xewiridin melum bolushiche, Uyghur aptonom rayonluq sayahet idarisi yéngi yil harpisida uqturush chiqirip, 2015-2016-yilliq qish peslide sayahet ömeklirining orunlashturushi bilen “8 Milyon som toluqlima mukapat sommisi ajratqanliqi” ni, “Poyiz we ayropilanda Uyghur aptonom rayonigha kelgen sayahetchiler üchün adem béshigha 200 som xelq puli mukapati bérilidighanliqi” ni élan qilghan.

Xewerlerdin melum bolushiche, Uyghur aptonom rayon da'iriliri 2013-yildin bashlap, xitay ölkiliridin Uyghur rayonigha kélidighan sayahetchiler üchün mukapat bérishni yolgha qoyghan. Sayahet idarisining bulturqi we aldinqi yilliridiki uqturushlirida sayahet ömekliri bilen kelgen sayahetchiler üchün adem béshigha 200 somdin 500 somghiche mukapat bérilidighanliqi élan qilin'ghan.

Halbuki, 2013-yili chiqirilghan mukapat uqturushi del ürümchide 22-may etigenlik bazardiki partlash weqesi yüz bergendin kéyin élan qilin'ghan. Ikki yildin buyan yene, Uyghur éli weziyiti jiddiyliship sayahetchiliktin kélidighan kirim töwenligenliki heqqidiki xewerlermu köpeygen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.