Русийәниң байқал көли бойлиридики аһалиләр хитай саяһәтчиләрниң келишигә қарши чиқти

Мухбиримиз үмидвар
2018-03-11
Елхәт
Пикир
Share
Принт

Русийәниң байқал көли әтрапидики аһалиләр хитай пуқралирини қарши алмайдиғанлиқини, чүнки уларниң байқал көли райониниң муһитини асримайдиғанлиқини билдүрүшкән.

Йеқинда русийәдики «байқал көли» намлиқ фонд җәмийәт билән бир тәһлил мәркизи бирликтә байқал көли әтрапидики иркутск области вә бурятийә җумһурийити аһалиси арисида, болупму мәзкур җайлардики 26 аһалиләр районида омумйүзлүк амминиң райини синаш елип бериш арқилиқ 79% аһалиниң хитай саяһәтчилири, содигәрлири вә ишчилириниң байқал көли райониға келишидин хатирҗәмсиз икәнлики, 83% аһалиниң байқал көли районида хитайларниң қанунсиз меһманхана вә башқиларни ечишиға қарши туридиғанлиқи, 94% аһалиниң хитай саяһәтчилирини байқал көлиниң екологийилик муһитини булғиди, дәп қарайдиғанлиқини оттуриға қойған.

59% Аһалә хитай вә башқа асия мәмликәтлириниң саяһәтчилириниң байқал көли райониға киришини чәкләшни тәләп қилған.

Русийә мәтбуатлирида байқал көлигә келидиған хитай саяһәтчилириниң саниниң барғансери ешиватқанлиқи, һәтта хитай содигәрлири вә карханичилириниң байқал көли районидин йәр сетивеливатқанлиқи йезилмақта. «Комсомол һәқиқити» намлиқ гезиттә елан қилинған бир парчә мақалидә қәйт қилинишичә, һәтта байқал көли районидики листивиянка қатарлиқ җайларда хитай содигәрлири йәр сетивелип меһманханиларни қурушқа тутуш қилған. Мақалидә байқал көлигә кәлгән бәзи хитай саяһәтчилириниң «байқал көлиниң 200 йил илгири хитайға тәвә җай икәнлики» ни ейтқанлиқиму әскәртилгән.

Толуқ бәт