Xitay shirketliri ottura asiya döletliride köplep mal ambiri qurushqa bashlighan

Washin'gtondin muxbirimiz uyghar teyyarlidi
2023.11.30

“Tengritagh tori” ning 2023-yili 11-ayning 29 künidiki xewiride déyilishiche, ötken bir ayda ürümchi xelq'ara quruqluq port rayoni xitay karxanilirining qoshna ellerde ambar quruwatqanliqini ilgiri sürgen. Shinjang “Silutong” uchur téxnika cheklik shirkitining chet eldiki ambiri qazaqistanda qurulghan bolup, bu ambar ürümchi erkin soda rayoni qurulghandin kéyin xitay shirketlirining chet elde qurghan tunji ambiri iken.

Xitay shirketlirining qoshna ellerdiki ambarliri zakaz mal yetküzüsh iqtidarini yuqiri kötürüsh üchün qurulghan. Bu ambarlarning chet elde mal saqlash, oborot we pishshiqlap ishlesh qatarliq iqtidarliri bar iken. Éléktironluq soda we ularning bazar ülüshini kéngeytish pursiti yaritip béridiken.

Xitay menbelirige asaslan'ghanda, Uyghur élining 8-aydiki tashqi soda import-éksport omumiy qimmiti 36 milyard 80 milyon yüen'ge yétip, tarixtiki eng yuqiri rékortni yaratqan. Aldinqi sekkiz ayda Uyghur rayonining éksport qimmiti 184 milyard 710 milyon yüen'ge yétip, oxshash mezgildikidin 53.5 Pirsent ashqan.

Amérikadiki kommunizm qurbanliri xatire fondining aliy tetqiqatchisi adri'an zénz Uyghur élidiki éksportning rékort xaraktérlik yuqiri sür'ette köpiyishining bir muhim sewebliridin biri, del Uyghur rayonining qoshna ottura asiya döletliri bilen bolghan sodisidiki jiddiy tereqqiyatqa munasiwetlik, dep chüshendürgen. U, “Xitay hökümiti gherb döletliri yürgüzüwatqan soda émbargoliri sewebidin kélip chiqqan ziyanlirini qoshna döletlerge hessilep köpeytiwatqan éksporti arqiliq toluqlimaqchi” dep körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.