Amérika hökümiti xitayning herbiy tereqqiyatini qollighan 4 xitay shirkitini qara tizimlikke alghan

Washin'gtondin muxbirimiz irade teyyarlidi
2024.04.11

Amérika xitayning 4 shirkitini soda qara tizimlikige kirgüzgen. Amérika soda ministirliqining 11-aprél künidiki bayanatidin qarighanda, bu 4 shirket amérikaning mehsulatlirini xitayning herbiy tereqqiyatini qollash üchün import qilghan iken.

Bu shirketler béyjing LINKZOL téxnika cheklik shirkiti, shi'en yéngiliq yaritish uchur téxnikisi cheklik shirkiti, béyjing enways téxnika shirkiti we tyenjin stonxoliy shirkiti qatarliqlarni öz ichige alidighan bolup, ular xitay armiyesini sün'iy eqil öziki bilen teminlesh bilen shughullan'ghan.

Amérika soda ministirliqi yene xitayning bashqa ikki shirkitini rusiye hem iranning herbiy tereqqiyatini qollighanliqi hem iranning uchquchisiz ayropilan zapchaslirini sétiwélishigha yardem qilghanliqi üchün qara tizimlikke alghan.

Amérika hökümiti hazirghiche nurghun xitay shirketlirini soda qara tizimlikige élip, ulargha mal éksport qilishni cheklep kelmekte.

“Nyu-york waqti géziti” ning déyishiche, xitay tashqi ishlar ministirliqi amérikaning bu soda cheklimisini eyiblep, “Xitay shirketlirige qoyulghan soda qara tizimliki siyasiti we bashqa jazalar bizning tereqqiyatimizni cheklesh we shirketlirimizge ziyan yetküzüshni nishan qilghan” dégen.

Melum bolushiche, amérika hökümiti adette soda qara tizimlikige kirgüzülgen shirketlerni asanliqche tizimliktin öchürmeydiken hemde bu shirketlerning amérikadin mehsulat import qilishini chekleydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.