Pakistandiki xitay shirketliri taqilip qélish girdabigha bérip qalghan
Pakistan hökümiti zémmisige élishqa tégishlik 300 milyard rupiyelik qerz toxtami téxi tölenmigen bolghachqa “Xitay-pakistan iqtisadi karidori” qurulushi terkibidiki xitay shirketliridin yigirme nechchisi özlirining taqilip qélish girdabigha bérip qalghanliqini bildürgen.
Pakistandiki “Shepeq” xewer torining 10-maydiki xewiride éytilishiche, xitay terep wekilliri pakistan pilan we tereqqiyat ministiri éhsen iqbal bilen söhbetleshkendin kéyin “Biz tekitlewatqan qerz sommisi emeliyleshmise, qurulush toxtamini bikar qilishqa mejbur bolimiz” dégen. Xewerde bu qurulush türlirining énérgiye, uchur-alaqe, tömür yol we bashqa türlerge chétilidighanliqi éytilghan.
Xewerde éytilishiche, pakistanning sabiq bash ministiri imran xan xitay ziyariti jeryanida bu qerzlerni téz arida töliwétidighanliqini bildürgen iken. Emma uning texttin chüshüshi bilen bu wede emelge ashmighan hemde xitay shirketlirining aqsap qélishigha seweb bolghan eken.
Melum bolushiche, xitay hökümiti zor küch bilen ijra qiliwatqan “Bir belwagh bir yol” qurulushi mahiyette “Qerz déplomatiyesi” bolup, awwal melum bir döletni zor miqdarda qerzge mehkum qilip qoyush, andin qerzni qistash bahaniside bu döletni özi otturigha qoyghan shertlerge maqul bolushqa mejburlash sheklide dawam qilip kelmekte iken. Nöwette pakistandiki “Xitay-pakistan iqtisadiy karidori” qurulushiningmu mushu xil aqiwetke qélishi heqqide türlük texminler otturigha chiqmaqta iken.
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- B d t ning ichki qismidiki nishanigha muxalip qilmishliri we Uyghur mesilisi
