Хитайниң хәйкаң, дахуа технологийә ширкәтлириниң камералири әнглийәдиму чәкләшкә дуч кәлди

Мухбиримиз әркин
2022.06.06
Share on WhatsApp
Share on WhatsApp

Хитайниң уйғур елида дигитал назарәт системиси қуруп, уйғурларға ирқий қирғинчилиқ қилишиға ярдәм бериш билән әйиблинип кәлгән дуняға даңлиқ икки чоң камера ширкити әнглийәдиму чәклинишикә дуч кәлгән. Мәлум болушичә, нөвәттә әнглийә парламентида хитайниң хаңҗо хәйкаң дигитал технологийә ширкити билән җеҗяң дахуа технологийә ширкитиниң камералирини әнглийәдә ишлитишни чәкләш тоғрисидики қанун лайиһәси бу йил язда күнтәртипкә қоюлидикән. Әгәр бу қанун лайиһәси парламентта мақулланса, әнглийә америкадин кейин бу икки ширкәтниң мәһсулатлирини чәклигән 2-дөләт болуп қалиду.

Америка өткән йили бу икки ширкәтниң уйғурларни бастурушта ойниған роли сәвәблик уларниң мәһсулатлирини дөләт органлирида ишлитишни чәклигәниди. “яхо хәвәрлири” ниң ейтишичә, әнглийә парламентиниң консерватиплар партийәсидин болған әзаси, хитай тәтқиқат гурупписиниң қошумчә рәиси алисия кернс “биз ирқий қирғинчилиққа шерикләшкән ширкәтләрни ишләтмәсликимиз, ‍уларға әмди йол қоймаслиқимиз керәк” дегән. Хәвәрдә ейтилишичә, бу икки хитай ширкитиниң әнглийәдики монополлуқ орниниң артиши вә уларниң уйғурларни назарәт қилишқа қатнишиши җиддийчиликни күчәйткән.

Хәвәрдә йәнә әнглийә һөкүмити “шинҗаңдики дәпсәндичиликләрни қаттиқ тәнқид қилип кәлгән болсиму, бирақ хитай камера ширкәтлириниң мәһсулатлирини чәкләшкә бәк қизиқмайдиғанлиқи, һалбуки нөвәттә бу җәһәттики бир қанун лайиһәси парламентқа сунулғанлиқи, бурун орунлаштурулған камералар елип ташланмисиму, лекин кишилик һоқуқ вә бихәтәрлик түпәйли хитай камералирини сетивелишни рәт қилиш чақириқлириниң улғийиватқанлиқи тәкитләнгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт