Amérikadiki quyash énirgiye taxtisi ishlepchiqarghuchilar xitay üstidin erz sun sun'ghan

Muxbirimiz irade
2021-08-19
Share

Amérikadiki quyash énirgiye taxtisi ishlepchiqarghuchiliri yéqinda amérika soda ministirliqigha erz sunup, xitayning quyash énirgiye taxtisi shirketliri üstidin tekshürüsh élip bérishni telep qilghan. Ular xitay shirketlirining zawutlirini malaysiya, wéytnam we taylandqa yötkep saxtipezlik qilish arqiliq amérikaning xitay quyash énirgiye taxtisi shirketlirige qoyghan jaza tedbirliridin qéchiwatqanliqini bildürgen.

Amérika hökümiti bu yil 6-ayda quyash énérgiyesi taxtisining köp kiristalliq kirimnéy qatarliq halqiliq xam matériyallirini ishleydighan 5 xitay shirkitige Uyghurlarni mejburiy emgekke sélishqa qatnashqanliqi üchün jaza tedbiri élan qilghan idi.

“Blumbérg” xewerlirining bildürüshiche, ismini ashkarilimighan amérika shérketliri paytext washin'gtondiki bir adowkatliq orni arqiliq amérika soda ministirliqigha erz sunup, amérikaning jaza tedbirining xitayning malaysiya, wéytnam we tayland qatarliq 3 dölettiki shiketlergimu tetbiqlinishini telep qilghan iken.

Erznamide ular xitayning eng chong quyash énérgiyesi ishlepchiqarghuchisi bolghan longji yéshil énérgiye téxnika shirkiti, tirina quyash shirkiti, jinko solar pay kontrol shirkiti we JA quyash énérgiyisi cheklik shirkiti qatarliqlarning ismi yer alghan bolup, amérika shirketliri amérikani bu shiketlerning yuqiriqi döletlerdiki pa'aliyetlirini tekshürüshke we jaza tedbirining da'irisini kéngeytip, sherqiy-jenubiy asiya döletliridiki xitay shirketliri qurghan zawutlarning mehsulatlirinimu qaplashni telep qilghan.

Amérikaning xitayning Uyghurlargha qaritiwatqan mejburiy emgikini ayaqlashturush tirishchanliqi xitayning mushu xildiki murekkep tijaret usulliri sewebidin ünümlük netije bermeywatqanliqi ilgiri paxta mehsulatliri sahesidimu körün'gen idi. Bu seweblik mutexessisiler import qilghuchi amérika shirketlirini mehsulatning esli menbesini qattiq tekshürüshke dewet qilip kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet