Хитай сияси кеңәш вәкили “мутләқ дөләт бихтәрлики” ни қоғлишишниң хитайни советчә йиқилишқа елип баридиғанлиқини агаһландурған
Хитай мәмликәтлик сияси кеңишиниң әзаси, хәлқара мунасивәтләр мутәхәссиси җя чиңго “хәлқара хәвпсизлик тәтқиқати” жорнилида мақалә елан қилип, хитайниң қарғуларчә “мутләқ дөләт бихәтәрлики” ни қоғлишишиниң уни сабиқ совет иттипақидәк йиқилишқа елип бериши мумкинликини агаһландурған. Униң көрситишичә, “мутләқ дөләт бихәтәрлики” ни қоғлишиш еғир бәдәл тәләп қилидикән. Бу мақалә ши җинпиң вә хитай компартийәси дөләт ичидә юқури техникилиқ назарәт системиси арқилиқ “мутләқ бихәтәрлик” бәрпа қилишни қоғлишиватқан бир вақитта елан қилинип диққат қозғиған.
“җәнубий хитай әтигәнлик почтиси” гезитиниң хәвәр қилишичә, җя чиңго мәқалисидә чеки йоқ бихәтәрликни қоғлишиш “чиқимниң шиддәтлик артиши вә пайдисиниң шиддәтлик төвәнлишини кәлтүрүп чиқирип, чиқимниң пайдини бесип чүшидиғанлиқи” ни билдүргән. У мундақ дигән: “бихәтәрликниң нисбийлик характиригә сәл қараш, уни қарғуларчә қоғлишиш, дөләтни мутләқ рәвиштә техиму аз бихәтәрликкә ериштүриду. Чүнки у көтүргүсиз чиқимларни кәлтүрүп чиқирип, мутләқ бихәтәрликкә ериштүрмәйду.”
Мәлум болушичә, бейҗиң университети хәлқара мунасивәтләр факултитениң мәзкур сабиқ мудири, 22 бәтлик мақалисидә хитайниң бихтәрлик сияситини вастилиқ тәнқид қилған. Буниң алдида хитайниң америкада турушлуқ сабиқ баш әлчиси сүй тйәнкәйму хитайниң “урушқа бөрә” дипломатийәсини тәнқид қилған иди. Җия чиңго, совет иттипақиниң зор миқтардики һәрбий чиқими униң узун муддәтлик бихтәрлики үчүн пайдисиз амилға айланғанлиқи, униң иқтисадий тәрәққиятиға йүк болуп, ахирида һәрбий чиқимини қамдиялмас әһвалға чүшүрүп қойғанлиқини билдүргән.
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Б д т ниң ички қисмидики нишаниға мухалип қилмишлири вә уйғур мәсилиси
