Анализчилар: "хитай һөкүмити шәһәр-базаларда ишқа орунлаштуруш көлимини кеңәйткән, муһим нуқта йәнила уйғур райони"

Мухбиримиз җәвлан
2021-05-17
Share

Хитайниң сиртқа қарита тәшвиқ қилидиған "хәлқ гезити" ниң бир хәвиригә қариғанда, бу йил хитайда оқуш пүттүрүп иш издәйдиған оқуғучилар 9 милйон 900 миң болуп, хитайдики ишсизлиққа йеңи бесим елип кәлгән. Буниңға қарита хитай һөкүмити бурунқи тәдбири асасида оттура вә кичик типтики карханиларға ишсизлиқ суғуртиси вә башқа толуқлима ярдәм бериш арқилиқ бу карханиларни ишқа орунлаштуруш нуқтилириға айландурмақчи болған. Бу карханиларниң көпинчиси йеза-базар вә кичик шәһәрләргә җайлашқан болуп, йеңи әмгәк күчлири асасән йеза-базарларға тарқақлаштурулидикән.

Хитайниң истатистикилиқ мәлуматиға қариғанда, өткән 3 айда уйғур районидики йеза-базарларда 2 милйон 970 адәм ишқа орунлашқан болуп, бу йиллиқ нишанниң 27 пирсәнти орунланған. Хитайниң корона вируси мәзгилидә иқтисадни җанландуруш үчүн йолға қойған "тәстиқ рәсмийитини азайтиш, рәсмийәт һәққи алмаслиқ, қәрз өсүмини кечиктүрүш, қәрз өсүмини чүшүрүш, мәбләғ йүрүштүрүш еһтияҗини капаләтләндүрүш" қатарлиқ бәш тәдбири вә буниңға аҗратқан 1. 7 Тирилйон йүән пули, шундақла 6 милйон 800 миң карханиға чүшүрүп бәргән 104 милярд 200 милйон йүән ишсизлиқ суғуртиси пули хитай карханилириниң иқтисадини тирилдүрүп, ишқа орунлишиш нисбитини юқири көтүргән.

Анализчиларниң қаришичә, мәбләғ вә суғурта ярдими алған оттура вә кичик типтики карханиларниң хели көп қисми уйғур райониниң һәр қайси җайлиридики наһийә вә биңтуән мәйданлириға җайлашқан болуп, бу җайлардики тәбиий байлиқ, хам әшя вә йеза игилик мәһсулатлири хитай карханилири үчүн тепилғусиз пурсәт яратқан, шуниң билән биргә хитай көчмәнлири вә иш издәп йүргән алий мәктәп оқуғучилири бу җайларға келип ишләшкә қизиқтурулған. Уйғур райони һазир хитай карханилири әң көп етиварға еришидиған вә пайда тапидиған районға айланған болуп, хитайниң ассимилатсийә сияситини әмәлгә ашуруш үчүн җәлп қилинған хитай аққунлири вә студентлириниң әң көңүлдикидәк иш тепиш вә яшаш маканиға айланмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт