Uyghur aptonom rayonluq partkom “Memuriy rayonlarni bölüp bashqurushni kücheytish” ni muzakire qilghan

Muxbirimiz erkin
2022.06.27
Share on WhatsApp
Share on WhatsApp

Uyghur aptonom rayonluq partkomining da'imiy komitéti 26-iyun küni kéngeytilgen yighin chaqirip, shi jinpingning xitay kompartiyesi siyasiy byurosining 40-nöwetlik kolléktip öginish yighini we merkizi islahatni omumyüzlük chongqurlashturush komitétida qilghan sözlirining rohini ‍ögen'gen. Xitay taratqulirining xewerdin melum bolushiche, bu yighinning eng diqqet qilarliq nuqtisi, uning rayonda merkizi islahatni omumyüzlük chongqurlashturush komitétining “Memuriy rayonlarni bölüp bashqurushni kücheytish” toghrisidiki orunlashturushini toluq emeliyleshtürüshni tekitlishi bolghan.

“Shinjang” gézitining xewiride éytilishiche, yighinda mundaq déyilgen: “Bash sékrétar shi jinpingning merkiziy islahatni omumyüzlük chongqurlashturush komitéti yighinida qilghan muhim sözining rohini etrapliq tetqiq qilish we yolgha qoyush, partiye merkizi komitétining qarar chiqirish we orunlashturushini omumyüzlük chongqurlashturush kérek. Islahatni, shinjangning ré'alliqigha zich birleshtürüsh, reqemlik hökümet qurulushi ilgiri sürüsh we sanliq melumat bixeterlikini qoghdash…. . Merkizi komitétning memuriy rayonlargha bölüsh xizmitige merkezleshtürüp rehberlik qilishida ching turush, memuri rayonlargha ayrishni bashqurushni qanun boyiche kücheytish kérek.”

Xitay taratqulirining xewerliride, shi jinpingning “Memuri rayonlarni bölüp bashqurush” toghrisidiki orunlashturushining konkrét némilerni közde tutqanliqi éytilmighan bolsimu, biraq bu közetküchilerde xitay hökümiti atalmish “Memuri rayonlargha qayta ayrish islahati” élip bérishqa teyyarliq qiliwatamdu, dégen so'al peyda qilghan. “Shinjang” gézitining éytishiche, bu qétimqi yighinda yene “Shinjang su ishliri tereqqiyat meblegh sélish guruhi” teshkillep, döletke a'it su bayliqlirini janlandurush, rayondiki su bayliqining teqsimatidiki tengpungsizliqni hel qilishni tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.