Kristofér pattén: "Xitayning shinjangdiki siyasiti qirghinchiliqtur!"

Muxbirimiz eziz
2020-06-30
Élxet
Pikir
Share
Print

Xitay hökümitining Uyghurlar diyaridiki zor tutqun we basturush siyasetliri xelq'aragha köplep melum bolghandin kéyin dunyaning buni eyiblesh chuqanliri tushmutushtin kötürülüshke bashlidi. 29-Iyun küni en'gliyening xongkongdiki sabiq walisi kristofér pattén ependi bu heqte söz qilip "Bu sépi özidin qirghinchiliq" dep körsetti.

"Blombérg xewerliri" ning 30-iyuldiki xewiride éytilishiche, krist pattén xitay hökümitining Uyghurlar diyaridiki Uyghurlarning nopusini azaytish üchün qollan'ghan bir qisim wehshiyane tughut cheklesh tedbirliri heqqide birleshme xewer agéntliqi ishligen xewerni körgendin kéyin bu sözlerni qilghan. U bu heqte téximu tepsiliy qilip "Birleshken döletler teshkilatining qirghinchiliq tebiri boyiche éytqanda shinjangdiki bu ehwal qirghinchiliqtin bashqa nerse emes" deydu.

Melum bolushiche, kristofér pattin 1992-yilidin 1997-yilighiche xongkongning axirqi walisi bolghan bolup, shu waqitlarda xitay axbaratlirida "Péng dingkang" dégen namda atalghaniken.

Toluq bet