Хитай сода системиси уйғур дияриниң ташқий содисиға ярдәм бәрмәкчи болған

Мухбиримиз әзиз
2022-04-27
Share

Хитай һөкүмити башқуришидики шинхуа агентлиқиниң 27-апрелдики хәвиридә ейтилишичә, хитай сода системиси уйғур дияриниң ташқий сода паалийәтлирини кеңәйтишигә ярдәм беридиғанлиқини, шу арқилиқ чәт әл мәблиғини җәлп қилип, явро-асия йәрмәнкисини техиму чоң көләмдә тәшкилләйдиғанлиқини билдүргән.

Хәвәрдә ейтилишичә, хитай сода министирлики алдинқи күни үрүмчидә “мәмликәтлик сода системисиниң шинҗаңға ярдәм бериш йиғини” ни чақирған. Йиғинда сода министирликиниң министири ваң вентав алаһидә сөз қилип: “сода системисиниң шинҗаңға ярдәм бериши партийәмизниң йеңи дәврдики шинҗаңни идарә қилиш истратегийәсиниң муһим мәзмунлиридин бири,” дегән.

Мәлум болушичә, өткән йилидин буян хитайдики вирус вә сиясий җәһәттики қаттиқ контроллуқ сәвәбидин чәт әл мәблиғиниң хитайдин еқип чиқип кетиши бәкму еғир болмақта икән. Йәнә бир яқтин америка башчилиқидики бир қисим ғәрб әллириниң хитайға қарита иқтисадий имбарго чарилирини иҗра қилишиму хитайниң иқтисадий җәһәттики ешиш сүритини муәййән дәриҗидә чәкләп кәлгән икән. Шуңа нөвәттә “хитай һөкүмити уйғур диярини вастә қилған һалда иқтисадий җәһәттики чекинишни қисмән болсиму оңшашқа урунуватқан болуши мумкин,” дегән тәхминләр оттуриға чиқмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт