Хитайниң хәлқаралиқ сода қилишқа баб келиш дәриҗиси төвәнлигән

Мухбиримиз җүмә
2015-10-28
Share

Дуня банкиси сәйшәнбә күни елан қилған доклатқа қариғанда, хитайниң келәр йили хәлқаралиқ сода қилишқа баб келиш дәриҗиси бу йилидикидин бир дәриҗә төвәнләп 84 -орунға чүшүп қалған.

Дуня банкиси мәзкур доклатини елан қилишта җәмий 189 дөләтниң сода муһитини баһалап рәткә тизған.

Буниңда сингапор биринчи рәткә тизилған, униңдин кейин йеңи зеландийә, данийә, җәнубий корейә, хоңкоң, әнглийә, америка ,шиветсийә, норвегийә вә финландийә қатарлиқ дөләт-районлар тәрип бойичә алдинқи он дөләт қатаридин орун алған.

Юқири дөләтләр бултурму 2015 -йили сода қилишқа әң баб 10 дөләт дәп, баһаланған иди.

Бу нөвәтлик баһалашқа қариғанда, орта асия әллиридин қазақистан 41-орунға, йәни хитайниң алдиға тизилған болса, өзбекистан 87-орунға, йәни хитай билән асасән охшаш орунға тизилған.

Дунядики иккинчи чоң иқтисадий дөләт, дәп қариливатқан хитайниң 2016-йилдики сода муһити қазақистанниңкидин бир һәссдин көпрәк төвән болуши диққәтни чәккән.

Хитай алдинқи йилдики баһалашта 83-орунға тизилған.

Бу йил, русийә илгирики 54-орундин 51-орунға, һиндистан 134-орундин 130-орунға көтүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт