Xitayning xelq'araliq soda qilishqa bab kélish derijisi töwenligen

Muxbirimiz jüme
2015-10-28
Share

Dunya bankisi seyshenbe küni élan qilghan doklatqa qarighanda, xitayning kéler yili xelq'araliq soda qilishqa bab kélish derijisi bu yilidikidin bir derije töwenlep 84 -orun'gha chüshüp qalghan.

Dunya bankisi mezkur doklatini élan qilishta jem'iy 189 döletning soda muhitini bahalap retke tizghan.

Buningda sin'gapor birinchi retke tizilghan, uningdin kéyin yéngi zélandiye, daniye, jenubiy koréye, xongkong, en'gliye, amérika ,shiwétsiye, norwégiye we finlandiye qatarliq dölet-rayonlar terip boyiche aldinqi on dölet qataridin orun alghan.

Yuqiri döletler bulturmu 2015 -yili soda qilishqa eng bab 10 dölet dep, bahalan'ghan idi.

Bu nöwetlik bahalashqa qarighanda, orta asiya elliridin qazaqistan 41-orun'gha, yeni xitayning aldigha tizilghan bolsa, özbékistan 87-orun'gha, yeni xitay bilen asasen oxshash orun'gha tizilghan.

Dunyadiki ikkinchi chong iqtisadiy dölet, dep qariliwatqan xitayning 2016-yildiki soda muhiti qazaqistanningkidin bir hessdin köprek töwen bolushi diqqetni chekken.

Xitay aldinqi yildiki bahalashta 83-orun'gha tizilghan.

Bu yil, rusiye ilgiriki 54-orundin 51-orun'gha, hindistan 134-orundin 130-orun'gha kötürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet