Xitayning süriyediki elchixana binasi minamyot zerbisige uchridi

2013-09-30
Élxet
Pikir
Share
Print

Xitayning süriyediki elchixana binasi bügün isyanchilar hujumning zerbisige uchrighan. Roytrisning bu heqtiki xewiride bayan qilinishiche, isyanchilar atqan bir minamyot demeshiqtiki xitay elchixanisi binasigha toghra kélip, elchixanining ishik we dériziliri chéqilghan؛ elchixana xizmetchiliridin biri yénik yarilan'ghan.

Bügün xitay tashqi ishlar bayanatchisi bu heqte toxtilip weqedin chöchigenlikini we uni qattiq eyibleydighanliqini éytqan. Xewerlerdin melum bolushiche, demeshiqtiki xitay elchixanisi el maliki dep atilidighan ahaliler rayonigha jaylashqan bolup, bu rayon'gha jaylashqan iraq elchixanisi bilen rusiye elchixanisimu ötken we uning aldidiki heptilerde hujumgha uchrighan.

Xitay bilen rusiyening süriyede isyan bashlan'ghandin buyan besher esad hökümitini yaqilap kélishi we b d t bixeterlik kéngishining besher esad hakimiyitige herbiy jaza qollinishini tosup kélishi, süriyede toxtawsiz qan éqishigha seweb boluwatqan we isyanchi qoshun we tereptarlirining ghezipini qozghap kéliwatqan idi.

Toluq bet