Xitay da'iriliri teywen bilen bolghan alaqini üzdi

Muxbirimiz jüme
2016-06-26
Élxet
Pikir
Share
Print


Xitay da'iriliri teywen "Bir xitay prinsipi" ni étirap qilmighanliqi üchün ular bilen bolghan alaqe qanilini taqighanliqini bildürdi.

Shinxu'a axbarati 25 - maydiki xewiride xitay ikki qirghaq munasiwetliri ishxanisining bayanatchisi en féngshenning éytqanliridin neqil élip körsitishiche, xitayning yuqiriqi qararigha teywenning yéngi prézidénti sey yingwénning "Bir xitay prinsipi" ni ochuq ashkara qollimighanliqi seweb bolghan.

En féngshen mundaq dégen: "Teywen bir bir xitay prinsipini körsitidighan siyasiy asas - '1992ortaq tonushi' ni étirap qilmighanliqi üchün ikki qirghaq arisidiki alaqe méxanizmi toxtitildi."

Sey yingwén teywen musteqilliqini yaqilighuchi partiye - "Démokratiye ilgirilesh partiyesi" ning namzati bolup, u bu yil yanwardiki prézidéntliq saylimida ma yingjyuni yéngip, gomindang partiyesige xatime bergen we 20 - may qesem bérip wezipe tapshurup alghan idi.

1992  - Yili xitay we teywen da'iriliri arisida hasil qilin'ghan pikir birlikige asasen "1992 Orta tonushi" imzalan'ghan, buningda her ikki terepning atalmish "Bir xitay prinsipini" ni étirap qilishi belgilen'gen.

Sey yingwén qesem bérish murasimidiki nutqida teywenning nöwettiki halitini saqlaydighanliqi hemde "1992 Ortaq tonush" qa hörmet qilidighanliqini bildürgen bolsimu, emma "Bir xitay pirinsipi" ni tilgha almighan.

Xitay da'iriliri eyni chaghdimu buninggha inkas qayturup "Bir xitay pirinsipi" ning teywen bilen alaqini saqlashtiki tüp asas ikenlikini bildürgen idi.

Toluq bet