Хитайниң иҗтимаий таратқу һуҗумлири белгийәгә ямриған

Мухбиримиз әзиз
2022.07.29
Share on WhatsApp
Share on WhatsApp

Хитай һөкүмитиниң иҗтимаий таратқулар арқилиқ белгийә тор бошлуқиға кеңийиватқанлиқи йеқиндин буян көплигән тәнқидләргә дуч кәлгән. Болупму бирләшкән дөләтләр (б д т) кишилик һоқуқ алий кеңишиниң рә‍си мишел бачелет (Michelle Bachelet) ниң изчил һалда уйғурлар һәққидики доклатни елан қилмай бесип йетивелиши, әксичә хитай һөкүмитиниң уйғурлар һәққидә бир қатар сахта тәшвиқат материяллирини тор бошлуқиға қоюп бериши буни техиму юғури пәллигә чиқарған.

Белгийәдә чиқидиған “апачи” гезитиниң 28-июлдики хәвиридә ейтилишичә, белгийә тордашлири йеқиндин буян YouTube ни ечип “шинҗаң” дәп издигәндә хитай компартийәси вә һөкүмитиниң уйғурлар һәққидики “ғәмхорлуқлири” тема қилинған мәзмунларниң йеғип кетидиғанлиқини байқиған. Июл ейидики издәш нәтиҗиси асасий җәһәттин шинхуа агентлиқиниң ши җипиңниң уйғур дияридики зиярити һәққидә бәргән хәвәрлири билән тошуп кәткән. Хәвәрдә ейтилишичә, белгийә парламенти 2021-йили уйғур қирғинчилиқини етирап қилиш һәққидә қарар алған болуп, уйғурлар һәққидики сахта тәшвиқат учурлириниң тор бошлуқини бесип кетиши буниңға мас һалда оттуриға чиққан.

Мәлум болушичә, белгийә тордашлири “гогул хәвәрлири” диму “шинҗаң” дәп издигәндә охшап кетидиған нәтиҗиләрниң көрүнидиғанлиқини, йәнә келип ғәрб ахбарат васитилирини ялғанчилиқта әйиблигән син материяллириниң бәкла көплүкини байқиған. Улар мушу әһвалларни омумлаштуруп, белгийәдә бу қәдәр кәң йейилған хитай тәшвиқатиниң сәл чағлашқа болмайдиған мәсилә икәнликини, һөкүмәтниң тездин буниңға қарши тәдбир елиши лазимлиқини әскәрткән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.