Jenubiy dakota shtati bashliqi: xitay bizni weyran qilmaqchi

Muxbirimiz jewlan
2023.01.25

Amérikaning jenubiy dakota shtati bashliqi kristi noyim (Kristi Noem) xitay hökümitining amérikagha qest qiliwatqan rezil hökümet ikenlikini we buningdin kéyin xitayning amérikada térilghu yer sétiwélishini chekleydighanliqini bildürgen.

“Fokus xewerliri” torida élan qilin'ghan bu xewerde éytilishiche, kristi noyim shtatliq hökümetning xitaynimu öz ichige alghan alte mustebit dölet bilen toxtam tüzüshini cheklesh buyruqigha imza qoyghan. U mundaq dégen: “Xitay hökümiti amérikagha öch bir rezil hökümet. Shunga men jenubiy dakota hökümitining ular bilen pochta-télégraf we bashqa sahelerde soda qilmasliqini kapaletke ige qilmaqchi”. Uning éytishiche, mezkur hökümet yene xitayning bu shitattin téximu köp térilghu yer sétiwélishini chekleydighan qanun tüzüwétiptu.

Fokus téliwiziyesining ziyaritini qobul qilghan kristi noyim, amérikani xitayning tehditidin agahlandurup mundaq dégen: “Xitay kompartiyesi amérikaning térilghu yerlirini sétiwélish arqiliq amérikaning ashliq zapisini kontrol qilmaqchi, bu ularning amérikani weyran qilishining birinchi qedimi؛ xitay yene amérikaning bashqa shitatliridin zémin-mülük sétiwalmaqta. Emma ularning gherizi jenubiy dakotada emelge ashmaydu”.

Kristi noyim yene xitayning eqliy mülük bayliqini oghrilash, pulni kontrol qilish, amérikaning ximiyewi oghut ishlepchiqirish we yémeklik pishshiqlap ishlesh zawutlirini sétiwélishtin halqip, emdi yer sétiwélishqa ötkenlikini, buning amérika üchün nahayiti xeterlik signal ikenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.