Xitay “Térrorizmgha qarshi turush” qanuni'i maqullidi

Muxbirimiz ümidwar
2015.12.27
Share on WhatsApp
Share on WhatsApp


Xitay memliketlik xelq qurultiyi da'imiy komitéti, yekshenbe küni xitayning tunji ‛térrorizmgha qarshi turush‚ qanunini maqullap, bu qanunni 2016 - yili 1 - yanwardin bashlap ijra qilidighanliqini jakarlidi.

Xitayning shinxu'a agéntliqining xewer qilishiche, xelq qurultiyining 159 neper da'imiy hey'et ezasi birdek bu qanunini qobul qilish awazi bergen. Xitay dölet re'isi shi jinping bu qanunni testiqlighan.

Xitay özining mezkur qanunigha tayinip, térrorizmgha qarshi qattiq zerbe béridighanliqini yene bir qétim tekitlidi.

Xitayning mezkur tunji “Térrorizmgha qarshi turush” qanuni xelq'ara jemiyetning diqqitini tartqan bolup, uning maddiliri xitaydiki kishilik hoquq, puqralar hoquqi we söz erkinliki we bashqa sahelerge a'it türlük endishilik inkaslarni keltürüp chiqarghan idi.

Roytérsning xewer qilishiche ötken seyshenbe küni amérika xitayning mezkur qanunigha diqqet qiliwatqanliqini bildürgen idi. Amérika dölet ishliri minsitiriliqi bayanatchisi gabrélla praysé xitayning mezkur qanunigha qarita, “Térrorizmgha qarshi turush qanunning xitaydiki söz erkinliki, jemiyetlerge uyushush, tinchliq namayishi ötküzüsh we diniy erkinlikke qarita téximu bir qedem cheklime keltürüp chiqiridu dep qaraymiz” dégen idi

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.