Xitay hökümiti Uyghur diyaridiki heqlerning képillikke ige ikenlikini dawrang saldi

Muxbirimiz eziz
2022.05.31
Share on WhatsApp
Share on WhatsApp

Dunya axbarat sahesi birleshken döletler teshkilati (b d t) kishilik hoquq aliy kéngishining re'isi mishél bachélétning Uyghur diyaridiki “Saxta ziyariti” we yéngidin ashkara bolghan lagérlar heqqidiki saqchi höjjetlirini köplep xewer qiliwatqanda xitay hökümitimu buninggha qarshi bir qatar teshwiqatlarni bashlimaqtiken.

Xitay hökümiti bashqurushidiki “Xitay xewer tori” ning 29-maydiki xewiride éytilishiche, Uyghur diyaridiki da'iriler 2016-yilidiki “Térrorluqqa qarshi küresh” te oq tégip ölgen saqchilardin gheyret mamutni qaytidin teshwiq qilish arqiliq özlirining “Térrorluqqa qarshi turuwatqanliqi” ni tekitlimekchi bolghan. Xewerde éytilishiche, eyni waqitta 47 yashqa kirgen gheyret mamut shu waqittiki guma nahiyelik saqchi idarisining mu'awin bashliqi bolup, xitay hökümiti “Térrorchi” dep atighan kishilerning oqida ölgen. Shuningdin kéyin xitay hökümiti guma nahiyeside uninggha atap xatire öy qurghan hemde nahiyediki gödek oqughuchilarni uningdin öginishke chaqirghan. Shundaqla gheyret mamutning qizini alahide teriplep uning dadisigha warisliq qilip xitay saqchisi bolghanliqini “Muqimliq we tereqqiyatqa töhpe qoshush” dégen.

Xewerde ötken 26 yil ichide nechche yüz saqchining ene shu xil yosunda ölgenlikini eskertish arqiliq özlirining “Térrorluq we ashqunluq” qa qarshi turushining zörür we yolluq ikenlikini pesh qilghan. Shuningdek “Ötken besh yilda qayta terbiyelesh arqiliq bu xildiki térrorluq we ashqunluq qilmishlirining yüz bérish nisbiti nölge chüshti. Emma gherbtiki düshmen küchler yenila bizge töhmet chaplawatidu” dégen. Shundaqla hazir Uyghur diyarida barliq heqlerning qanun boyiche toluq kapaletke ige qilin'ghanliqini tekitligen. Halbuki téxi yéqinda pash bolghan “Shinjang saqchi höjjetliri” namidiki lagér höjjetliri xitay hökümiti éytiwatqan “Térrorluq buyumliri” ning jeynamaz, teswi, “Qur'an” dégenler ikenlikini, “Terbiyelesh merkizi” dégen orunlarning eng qattiq bashqurulidighan türmilerdinmu qabahetlik mu'esseseler ikenlikini körsetkenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet