Хитай һөкүмити төт йилдин буян уйғур районида "террорлуқ вәқәси йүз бәрмигәнлики" ни давраң салди

2021-07-05
Share

Хитай таратқулириниң хәвәр қилишичә, уйғур аптоном районлуқ һөкүмәт 5-июл бейҗиңда 12-қетимлиқ "шинҗаң ахбарат елан қилиш йиғини" ечип, хәлқарадин келиватқан күчлүк әйибләшләрни ағдурушқа урунған һәмдә "шинҗаңда террорлуққа қарши күрәшниң дәсләпки ғәлибиси қолға кәлтүрүлди, шинҗаңда 4 йилдин бери террорлуқ, зораванлиқ вәқәлири йүз бәрмиди, хәлқниң хатирҗәмлики капаләткә игә болди" дегән бимәнә сәпсәтисини базарға салған.

Анализчиларниң қаришичә, хитай һөкүмити 4 йилдин бери уйғур районида натисстларға охшаш дөләт терроризими йүргүзүп, милйондин артуқ уйғурни солап қийниған, аман қалғанлирини тәқиб вә назарәт астиға елип, қорқунч-вәһимә ичидә яшашқа мәҗбурлиған әһвалда, қандақму улар дәватқан аталмиш "террорлуқ" вәқәлири йүз бәрсун? хитайниң 20 йилдин бери уйғурларни "террорлуқ" билән қарилап бастуруп келиватқанлиқи дуняға сир әмәс. Хитайниң буниңдин башқа тутамиға чиққудәк баһаниси йоқ. Уйғур районида 4 йилдин бери зораванлиқ йүз бәрди, буни "сақчи дөлити" дәп аталған хитай һөкүмити қилди. Хитай һөкүмити дөләт аппаратини ишқа селип, уйғур райониғила әмәс, дуняниң һәммә җайиға тәһдит салди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт