Хитай даирилири уйғур елигә келидиған юқири сүрәтлик төмүрйолни синашқа башлиған

Мухбиримиз җүмә
2014-09-13
Share


Хитай даирилири уйғур елигә келидиған юқири сүрәтлик төмүрйолни ясашқа вә пойизларни синашқа башлиған.

Хәвәрләргә қариғанда, 27 милярд долларлиқ бу юқири сүрәтлик төмүрйол линийәси хитайниң ләнҗу шәһиридин башлинип, үрүмчигә туташтурулидикән.

Нөвәттә хитай даирилири мәзкур төмүрйол линийәсидә синақ елип бериватқан болуп, пойизниң саәтлик сүрити 217 километирға йетидикән.

Мутәхәссисләрниң қаришичә, мәзкур төмүрйол линийәси хитайниң уйғур елини илгириләп контрол қилиш вә шу арқилиқ мәркизий асияға кеңийиш қәстини ашкарилайдикән.

"вашингтон почтиси" гезитидә австралийә мелбурн университети лектори җәймис лейболдниң ейтқанлиридин нәқил қилишичә, америка армийәсиниң афғанистандин чекинишигә әгишип, хитай мәркизий асияға йүзлинишкә башлиған.

Хәвәрләргә қариғанда, хитай уйғур елигә туташтуридиған мәзкур тунҗи юқириқи сүрәтлик төмүрйол линийәси бу йилниң ахирида рәсмий ишқа кириштүрүлүп йолучи тошушни башлайдикән.

Хитай даирилири илгири тақ линийәлик төмүрйолни 90 йилларда қош линийәлик қилип өзгәрткән вә уйғур елидин чиққан хам әшяларни тошуш қәдими тизлитиш билән биргә хитай көчмәнлирини уйғур елигә йөткәш сүритини ашурған иди.

Бу нөвәтлик юқири сүрәтлик төмүрйол линийәсиниң йәнә немә мәқсәтләрни көзлигәнлики намәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт