Хитайниң "тор бихәтәрлик қанун лайиһәси" сода вә кишилик һоқуқ тәшкилатлирида әндишә қозғиди

Мухбиримиз әркин
2015-07-08
Share


Хитай хәлқ қурултийи йеқинда оттуриға қойған "тор бихәтәрлик қанун лайиһәси" ғәрб сода саһәси вә хәлқара кишилик һоқуқ тәшкилатлирида әндишә қозғиди. Хәлқара кәчүрүм тәшкилати бу лайиһәниң тор чәклимисини еғирлаштуруветидиғанлиқини билдүрди.

Мәзкур органниң тәтқиқатчиси вилям ней фирансийә агентлиқиға пикир билдүрүп, "бу лайиһә рәсмий қанунға айланмиған болсиму, бирақ биз униң һазирқи тор чәклимисини техиму еғирлаштуруветишидин әндишә қилимиз" деди.

Вилям нейниң көрситишичә, бу қанун техиму қаттиқ чәклимидин дерәк бериш билән биргә, хитай һөкүмитини яқтурмайдиған кишиләрни җазалашни еғирлаштуридикән.

Мәзкур қанун йәнә, ғәрб сода саһәсини әндишигә салған.

Явропа иттипақи сода уюшмисиниң президенти җорг вутке, "әң асаслиқ әндишәм, мәзкур қанун лайиһәсиниң тили хитайниң башқа қанунлириға охшашла наһайити мүҗмәл. Униң қандақ иҗра қилинидиғанлиқи ениқ әмәс" деди.

Д у қ ниң баянатчиси дилшат ришит чаршәнбә күни мухбиримизға бу қанун уйғур торчилиқиға зәрбә беришни қанунлаштуриду, деди. Униң көрситишичә, қанун лайиһәси мақулланса, у уйғурларниң учурға еришишини вә торда әркин пикри баян қилишини техиму боғидикән.

Лекин хитай хәлқ қурултийи мәзкур қанунниң тор бихәтәрлики, хитайниң тор игилик һоқуқи һәм дөләт бихәтәрликигә капаләтлик қилидиғанлиқини илгири сүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт