40Тин артуқ ширкәт хитайниң тор қануниға болған әндишисини билдүрди

Откән һәптә хитай хәлқ қурултийи “тор бихәтәрлик қануни”ни рәсмий қобул қилғандин кейин, хәлқара җәмийәтниң диққитини қозғиған болуп, бир қисим кишилик һоқуқ козәткүчилири бу қанунниң хитайдики интернет вә мәтбуат әркинликини боғуш ролини ойниши һәққидики әндишилирини билдүрүшкән иди.

Өткән җүмә күни бир қанчә йүз ширкәткә вәкиллик қилидиған 40 тин артуқ хәлқаралиқ ширкәт хитай һокүмитигә хәт әвәтип, мәзкур тор бихәтәрлик қануниға болған әндишилирини билдүргән.

Америка авазиниң хәвәр қилишичә, бу ширкәтләр өзлириниң хитай һөкүмитигә билдүргән әндишилиридә мәзкур қанунниң хитай билән дуняниң башқа доләтлири арисидики иқтисадий арилиқни чоңайтиветиши мумкинликини изһар қилған.

Бу хәткә имза қойған ширкәтләр ичидә америка сода җәмийити, явропа карханилар уюшмилири бирләшмиси, хәлқаралиқ характергә игә учур техникиси карханилири бирләшмиси, интернет тори бирләшмиси вә башқилар бар икән.

7-Ноябир күни қобул қилинған тор бихәтәрлик қанун келәр йили 6-айниң 1-күнидин етибарән йолға қоюш бәлгиләнгән.Қанунда тор бошлуқиға болған игилик һоқуқни қоғдаш тәкитләнгән болуп, буниңда интернет торидики сөз әркинликини қаттиқ контрол қилиштин башқа йәнә хитайдики чәтәл содигәрлириниң шәхсий учурлири вә асаслиқ сода учурлири һәм башқа учурлириниң дөләт бихәтәрлик органлириниң тәкшүрүшидин өтүши бәлгиләнгән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар