Һиндистанлиқ мутәхәссис: «хитай үчүн хаталиқлирини тонуш техи кечикмиди, уйғурлар билән әплишиши керәк»

Мухбиримиз шөһрәт һошур
2018-08-08
Елхәт
Пикир
Share
Принт

Һиндистанлиқ мутәхәссис меһир шарма түнүгүн, йәни 7‏-авғуст күни «блумберг гезити» да елан қилған мақалисидә хитайниң уйғур мәсилисидә, болупму лагерлар мәсилисидә хаталашқанлиқини, әмма бу хаталиқини түзитимән десә пурсәтниң техи қолдин кәтмигәнликини илгири сүргән.

Хитайниң уйғур аптоном районини өзиниң «бир йол бир бәлвағ» пилани үчүн бир өтәң орнида көрүватқанлиқи, бу йәрдики йәрлик хәлқниң ролини чәткә қеқиватқанлиқи илгири сүрүлгән бу мақалида «тиҗарәт демәк бир қанчә йүк машинисини таможниға әкелип тәкшүрүштин өткүзүш дегәнлик әмәстур» дейилгән. Нөвәттә уйғурларниң йиғивелиш лагерлириға давамлиқ соливелиниватқанлиқи вә базарларниң қуруқдилип қалғанлиқи әскәртилгән бу мақалида хитайниң йиғивелиш лагерлири арқилиқ уйғурларни өзлиригә қарши күшкүртүпла қалмастин, бәлки йәнә «бир йол бир бәлвағ» пиланиғиму хәвп шәкилләндүргәнлики әскәртилгән. 

Мақалида дейилишичә, хитай уйғурларни «бир йол бир бәлвағ» пиланидики содидин тамамән сиқип чиқармақчи вә униң орнини хитай көчмәнлири билән толдурмақчикән. Әмма бу карға кәлгән вә келидиған бир тәдбир әмәс икән. Мақалида йәнә мундақ дейилгән: «бу гәпләр қулаққа хош яқмаслиқи мумкин, әмма хитай тәрәп хаталиқини тонушта техи кечикмиди, хитай шинҗаңдики уйғурлар билән әплишиши керәк.» 

Мақалида йәнә уйғурларниң ялғуз әмәслики, тил вә мәдәнийәт җәһәттин оттура асия хәлқлириниң бир парчиси икәнлики, шуңа уйғурларға қилинған һәқсизлиқниң хитайниң оттура асиядики қошнилири билән болған мунасивитигә ахирқи һесабта сәлбий тәсир көрситидиғанлиқи әскәртилгән вә сайрагүл саутбай вәқәси әслитилгән.

Пикирләр (0)
Share
Толуқ бәт