Tajsiman wirusi ürümchi we qeshqerde tézdin yamrashqa bashlidi

Muxbirimiz eziz
2020-07-21
Share

Yéqindin buyan xitay hökümiti alliqachan toluq kontrolluq astigha élin'ghanliqini dawrang qiliwatqan tajsiman wirusining ürümchi we qeshqerde tézdin yamrawatqanliqi türlük uchur yolliridin melum bolushqa bashlidi.

Xitay hökümitining shinxu'a agéntliqi 20-iyuldiki xewiride shuningghiche bolghan mezgilde ürümchide yéngidin melum bolghan wirus yuqumdarlirining 47 ge yetkenlikini, alametsiz yuqumlan'ghuchilarning 50tin éship ketkenlikini xewer qildi. Buning ‍ichide qeshqerde bayqalghan yuqumdardin biri barliqi éytilidu.

Xewerde éytilishiche, ürümchi shehiride yéngidin bayqalghan tajsiman wirusi yuqumdarliri asasen tengritagh rayoni we saybagh rayonidin bolup, ehwaldin xewerdar kishiler bu jaylarning ürümchidiki Uyghurlar topliship olturaqlashqan jaylar ikenlikini bildürmekte.

Ehwaldin xewerdar kishilerning bildürüshiche, ürümchi we qeshqer sheherliride bir heptilik "Sheherni qamal qilish" tedbiri élin'ghan. Emma hazirche buning bir heptidin kéyin bikar qilinidighanliqi yaki dawam qilidighanliqi éniq emes iken. "Xitay xewerliri" torining 20-iyuldiki xewiride éytilishiche, ürümchi shehiridiki bir qisim jaylarda öylirige qamilip qalghan kishilerning kündilik turmush buyumlirini sétiwélishi jeryanida bir qisim kishilerning hayankeshlik we saxtipezlik qilmishliridin 37 qétimliqi qanun boyiche bir yaqliq qilin'ghan.

Halbuki muhajirettiki Uyghurlarning hemmidinmu bek endishe qiliwatqini xitay hökümitining köp qétimlap ispatlan'ghan yalghanchiliq qilmishi bolup, bu qétim élan qilin'ghan yuqumdarlar sanidin zor derijide guman qilmaqtiken. Yene bir yaqtin sheherni qamal qilish charisining nurghun sandiki Uyghurlarni kütülmigen acharchiliqqa giriptar qilghanliqi ötken mezgillerde köp qétim ispatlan'ghan bolghachqa bu qétimmu ashu xildiki éghir paji'elerning yüz bérishidin, shundaqla tézdin yamrawatqan wirusning lagérlargha tarqilip kétip téximu éghir hadisilerning kélip chiqishidin endishe qiliwatqanlar köp sanliqni igileydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.