Xitay dölet bixeterlik ministirliki "Jasusluq" heriketlirini pash qilish tor békiti qurdi

Muxbirimiz erkin
2018-04-16
Élxet
Pikir
Share
Print

Xitay dölet bixeterlik ministirliki tor békiti qurup, puqralarni chet'elning jasusluq pa'aliyetlirini, "Sotsiyalistik sistémini aghdurush" qa urunushtek dölet bixeterlikige xewplik heriketlerni melum qilishqa chaqirghan.

Mezkur tor békiti 15-apréldin bashlap resmiy ishqa kirishken bolup, u in'gliz we xitay tillirida échilghan.

Firansiye agéntliqining xewer qilishiche, tor békitide yene puqralar dölet xadimlirigha, herbiy ofitsérlargha para bérish, qoralliq isyan yaki milliy bölgünchilikke qutratquluq qilishtek heriketlerni pash qilishqa chaqirilghan.

Tor békiti jasusluq eswablirini ashkarilighan yaki dölet mexpiyetlikini satqan we sétiwalghan gumandarlarni pash qilghuchilargha mukapat bérilidighanliqini bildürgen.

Uningda konkrét mukapat sommisini tilgha élinmighan bolsimu, lékin béyjing sheherlik dölet bixeterlik idarisi ötken yili élan qilghan uqturushida, jasusluq heriketlirini pash qilghuchilargha 1500 dollardin 73 ming dollarghiche mukapat bérilidighanliqini bildürgen idi. Lékin mezkur tor békiti Uyghur kishilik hoquq teshkilatlirida endishe peyda qildi we ularning tenqidige uchridi.

Dunya Uyghur qurultiyi bayanatchisi dilshat rishitning bildürüshiche, bu tor békiti Uyghurlar xitayning memliket miqyasida nishanliq gumandargha aylandurup qoyulghan bu mezgilde téximu köp Uyghurlarning ziyankeshlikke uchrap, tutqun qilinishi, iz-déreksiz ghayib bolushi yaki orunsiz so'al-soraqlargha duch kélishini téximu éghirlashturuwétidiken.

Tor békitide yene "Xitayda dölet bixeterlikige xewplik ish-heriketlerde bolghan yaki shundaq heriketlerde bolidu, dep qaralghan herqandaq kishining chet'ellikler bilen uchrishishimu yoshurun xewplik xahishlar" ning biri, dep körsitilgen.

Toluq bet