خىتاي كومپارتىيەسىنىڭ پارتىيە نىزامنامىسىگە تۈزىتىش كىرگۈزمەكچى بولۇشى خەلقئارادا دىققەت قوزغىدى

مۇخبىرىمىز ئەزىز
2017-09-18
Share

خىتاي كومپارتىيەسىنىڭ ئۆكتەبىر ئېيىدا ئېچىلماقچى بولغان 19-قۇرۇلتىيىدا نۆۋەتتىكى كومپارتىيە نىزامنامىسىگە تۈزىتىش كىرگۈزمەكچى بولۇشى خەلقئارانىڭ دىققىتىنى تارتتى. مۇلاھىزىچىلەر بۇ توغرىلىق پىكىر قىلىپ «شى جىنپىڭ ئۆزىنىڭ ئىدېئولوگىيىلىك چۈشەنچىسىنى يېڭى نىزامنامىگە قىستۇرماقچى بولۇشى مۇمكىن» دېيىشمەكتە.

رويتېرىس ئاگېنتلىقىنىڭ بۈگۈنكى خەۋىرىگە قارىغاندا ئۆتكەن بەش يىلدا ئۆز ھوقۇقىنى تولۇق مۇستەھكەملىگەن شى جىنپىڭنىڭ بۇ قېتىمقى پارتىيە قۇرۇلتىيىدا ئۆز نامىنى «ماۋ زېدوڭ ئىدىيىسى» ۋە «دېڭ شياۋپىڭ نەزەرىيىسى» قاتارلىق داھىيلارنىڭ نامى بىلەن باغلىنىشلىق ئاتالغۇلار قاتارىغا قوشۇۋېلىش ئېھتىماللىقى بار ئىكەن. سابىق كومپارتىيە سېكرېتارلىرىدىن جياڭ زېمىن ۋە خۇ جىنتاۋ قاتارلىقلارمۇ پارتىيە نىزامنامىسىگە تۈزىتىش كىرگۈزۈپ، «ئۈچكە ۋەكىللىك قىلىش» ۋە «ئىلمىي تەرەققىيات» دېگەندەك قاراشلىرىنى قىستۇرۇۋالغان بولسىمۇ، ئۇلار پارتىيە نىزامنامىسىگە ئۆز ناملىرىنى قوشمىغان ئىكەن.

مەلۇم بولۇشىچە، شى جىنپىڭنىڭ ئاساسلىق ئىدىيىۋى قاراشلىرى ھازىر كۈچەپ بازارغا سېلىنىۋاتقان «تۆت ئومۇمەن» دە ئەكس ئېتىۋاتقان بولۇپ، شىنخۇا ئاگېنتلىقى بۇ ھەقتە سۆز بولغاندا «يېڭى تۈزىتىش مەزمۇنلىرى ھۆكۈمەت خىزمىتىدىن بېرىلگەن دوكلاتتا تىلغا ئېلىنغان ئاچقۇچلۇق نەزىرىيەلەرنى ۋە ئىستراتېگىيىلىك قاراشلارنى ئۆز ئىچىگە ئېلىشى لازىم» دېگەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت