Xitay re'isi shi jinping, "Bölgünchilik" heriketlirige yol qoymaydighanliqini jakarlidi

Xitay re'isi shi jinping jüme küni barliq xitaylarni ittipaqliship, xongkong, teywen musteqilliqighe qarshi turushqa chaqirghan. U, bu sözlerni xitay milletchilikining atisi sün jungsen tughulghanliqining 150 yilliq xatire yighinida qilghan.

Xitay re'isi bu sözlerni xongkong siyasiy krizisi we teywen musteqilliq pikrining küchiyishige qaritip éytqan. U, eger teywen rehberliri teywen bilen xitay "Bir junggo" dégen pikirni qobul qilsa, "Biz ular bilen alaqe qilishni xalaymiz" dégen.

Teywende bu yil 1‏-aydiki saylamda ghelibe qilip, hakimiyetke olturghan musteqilchi prézidént sey yingwén gomindang bilen kompartiye 1992‏‏-yili hasil qilghan teywen -xitay bir junggo dégen pikirni qobul qilishni ret qilghan. Netijide, béyjing hökümiti teywen bilen bolghan alaqini toxtatqan idi.

Shi jinpingning alaqzade bolushidiki yene amil, xongkongdiki siyasiy krizis. Yéqinda xongkongda bezi yash musteqilchi siyasiyonlar parlamént ezaliqigha saylinip, xongkongning xitay zémini ikenlikini ret qilghan idi.
Béyjingperes bezi közetküchiler, eger xongkongda musteqilchilerge yol qoyulsa, bu kelgüside tibet we Uyghur aptonom rayonluq xelq qurultiyida musteqilliq telipining otturigha qoyulushigha ülge yaritip béridighanliqini ilgiri sürgen.

Shi jinping jüme küni xelq sariyida ötküzülgen yighinda yene, "Herqandaq kishi, her qandaq organ, herqandaq partiyening herqandaq waqitta we herqandaq usulda xitayning herqandaq bir parchisini bölüp chiqip kétishige hergiz yol qoyulmaydu" dégen.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar