Хитайдики хизмәтчи қобул қилиш нисбити бу айда йәнә төвәнлигән

Мухбиримиз җүмә
2013.05.25

Хитайдики әмгәк күчи базири вә хизмәтчи қобул қилиш сүрити бу айда йәнә төвәнлигән.

“вол стрит журнили” да хәвәр қилишичә, хитай һөкүмити бу һәқтә тарқатқан санлиқ мәлуматлар мүҗмәл болсиму, әмма хитайдики әмгәк күчи базири һәққидики тор бәтлиридә бу һәқтә бәзи учурлар ашкариланған.

Хәвәрдә, хитайдики әң чоң хизмәт елани тор бети - “җавпиң” тори тәминлигән санлиқ мәлуматлардин нәқил елип көрситишичә, хитайда хизмәтчи қобул қилиш нисбити апрелда кәскин төвәнлигән.

Бу хил төвәнләш майдиму көрүнәрлик болған.

Хәвәрдә көрситишичә, хитайдики иш пурсәтлириниң бу дәриҗидә қисқириши ишләпчиқириш вә мулазимәт түридики ширкәтләрдә чекиниш болғанлиқи билән мунасивәтлик икән.

Хәвәрдә нөвәттә хитайдики хизмәт пурсити вәзийитиниң җиддий қутқузуш сигнали челиш алдида икәнлики көрситилгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.