Хитай ядро йеқилғуси завути хизмитини тохтитип қоюшқа мәҗбур болди

Мухбиримиз җүмә
2016-08-10
Share

Шәһәр хәлқи намайиш қилғандин кейин, хитай даирилири чаршәнбә күни фирансийә билән бирлишип қурмақчи болған ядро йеқилғуси пишшиқлап ишләш завутиға орун таллаш хизмитини вақитлиқ тохтитип қоюшқа мәҗбур болди.

Хитайниң дөләтлик ядро гуруһи билән фирансийәниң авера ширкити 2012-йили хитайда бир ядро йеқилғуси пишшиқлап ишләш завути қурушқа келишкән, әмма орнини елан қилмиған иди.

Мәлум болушичә, даириләр өткән йили мәзкур завутниң җяңсу өлкисиниң лйәнюнгаң шәһиридә қурулидиғанлиқини ашкарилиған. Мәзкур шәһәрдә қурулуш орнини таллаш хизмитини башланғандин кейин, бир нәччә миң шәһәр хәлқи өткән шәнбидин буян намайиш қилип, завут қурулушиға қариши чиққан.

Радийомизниң хәвәр қилишичә, намайишчилар шәһәрлик һөкүмәт алдиға келип топланған вә даириләрдин қурулуш пиланини бикар қилишқа чақирған. Мәлум болушичә, намайишчилар сақчилар билән тоқунушқан.
Шәһәрлик һөкүмәт 10-авғуст өз микроблогида бир уқтуруш елан қилип, һөкүмәт даирилириниң бу завут қурулуши хизмитини вақитлиқ тохтитишни қарар қилғанлиқини билдүргән.

Хитай ахбаратлириға қариғанда, хитай даирилири мәзкур завутниң орни үчүн 10 нәччә җайни селиштуруп, ахири лйәнюнгаң шәһирини бекиткән, һәмдә завут қурулушиниң 2020-йили башлинидиғанлиқини уқтурған.
Хитай даирилириниң лйәнюнгаң шәһиригә пилан қилинған қурулушни қайта башлайдиғанлиқи яки пүтүнләй бикар қилидиғанлиқи һазирчә намәлум.

Хитайда муһит вә саламәтликкә зиян салидиған завут қурулушлириға қарши намайишлар көп йүз берип туриду.

Өткән йили апрелда җәнубий ички моңғулниң найман районида химийә завутиға қариши намайиш йүз берип, сақчилар яш аққузуш бомбиси вә резинкә оқларни ишлитип намайишчиларни бастурған.
Намайиштин кейин бир нәччә химийә завутиниң тақалғанлиқи хәвәр қилинған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт