Японийәниң муавин баш вәзири җиро акаманиң тәйвән зиярити хитайниң оғисини қайнатқан

Мухбиримиз қутлан
2017-03-27
Share

Хитай ташқи ишлар министирлиқи бүгүн юқири һарарәт билән қақшап, японийәниң муавин баш вәзири җиро акаманиң тәйвән зияритигә қаттиқ етираз билдүргән.

"һиндистан вақит гезити" ниң билдүрүшичә, җиро акаманиң бу қетимлиқ тәйвән зиярити хитай билән японийә 1972-йили дипломатик мунасивәтни әслигә кәлтүргәндин буян японийә тәрәпниң тунҗи қетим муавин баш вәзир дәриҗилик әмәлдарини тәйвәнгә әвәтиши икән.

Хитай ташқи ишлар министирлиқиниң баянатчиси хуа чүнйиң японийә тәрәпни "тәйвән мәсилиси" дә "чатақ териватқанлиқи" вә "икки тәрәпниң мунасивитигә тоқунақ бала" пәйда қилишқа урунуватқанлиқи билән әйиблигән.

Хуа чүнйиң йәнә икки тәрәп оттурисидики сенкаку арилини чөридигән талаш-тартишларни тилға елип, "дявйү тақим араллири җуңгониң территорийә мирасхорлуқидики җай һесаблиниду. Биз бу йәргә болған игилик һоқуқимизни давамлиқ тәкитләймиз," дегән.

Көзәткүчиләр, японийә муавин баш вәзири җиро акаманиң японийә-хитай мунасивәтлири таза җиддийләшкән бир мәзгилдә тәйвәнни зиярәт қилиши "хитайниң ечишқан ярисиға туз сәпкәнлик болди," дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт