Yaponiyening mu'awin bash weziri jiro akamaning teywen ziyariti xitayning oghisini qaynatqan

Muxbirimiz qutlan
2017-03-27
Share

Xitay tashqi ishlar ministirliqi bügün yuqiri hararet bilen qaqshap, yaponiyening mu'awin bash weziri jiro akamaning teywen ziyaritige qattiq étiraz bildürgen.

"Hindistan waqit géziti" ning bildürüshiche, jiro akamaning bu qétimliq teywen ziyariti xitay bilen yaponiye 1972-yili diplomatik munasiwetni eslige keltürgendin buyan yaponiye terepning tunji qétim mu'awin bash wezir derijilik emeldarini teywen'ge ewetishi iken.

Xitay tashqi ishlar ministirliqining bayanatchisi xu'a chünying yaponiye terepni "Teywen mesilisi" de "Chataq tériwatqanliqi" we "Ikki terepning munasiwitige toqunaq bala" peyda qilishqa urunuwatqanliqi bilen eyibligen.

Xu'a chünying yene ikki terep otturisidiki sénkaku arilini chöridigen talash-tartishlarni tilgha élip, "Dyawyü taqim aralliri junggoning térritoriye mirasxorluqidiki jay hésablinidu. Biz bu yerge bolghan igilik hoquqimizni dawamliq tekitleymiz," dégen.

Közetküchiler, yaponiye mu'awin bash weziri jiro akamaning yaponiye-xitay munasiwetliri taza jiddiyleshken bir mezgilde teywenni ziyaret qilishi "Xitayning échishqan yarisigha tuz sepkenlik boldi," dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet