Xitay aliy mektep oqughuchiliri Uyghur élida “Yiltiz tartishqa” righbetlendürülgen

Muxbirimiz irade
2022.07.07
Share on WhatsApp
Share on WhatsApp

Xi'ay hökümiti aliy mektep püttürgen xitay oqughuchilarni Uyghur élida “Yiltiz tartish” qa righbetlendürmekte.

“Tengritagh tori” ning xewirige qarighanda, 6 ـ iyul küni Uyghur aptonom rayonluq da'iriler mexsus xitay néfit uniwérsititining qaramay mektep rayonida mexsus bu heqte bir yighin uyushturghan bolup, yighin'gha Uyghur aptonom rayonluq partiye komitétining mu'awin sékritari xé jungyow riyasetchilik qilghan.

Xewerge qarighanda, shu küni xitay néfit uniwérsititining qaramay mektep rayonidiki oqughuchilargha mundaq sözler tekitlen'gen: “Bashtin ـ axir shi jinping yéngi dewrdiki xitayche sotsiyalizm idiyesining qet'iy étiqadchiliri we sadiq emeliyettin ötküzgüchiliridin bolush؛ wetenperwerlik héssiyatini chongqur yiltiz tartquzup, partiyening gépini anglash؛ menggü partiyege egiship méngish؛ siyasiy jehette segek bolup, ijtima'iy muqimliq we ebediy eminlikni qoghdash üchün yashliq küchini teqdim qilish؛ iradidin qaytmay shinjangda yiltiz tartip, shanliq kishilik hayat sehipisini yaritish kérek.”

Xewerde éytilishiche, mezkur yighin xitay dölet re'isi shi jinpingning béyjingdiki xitay néfit uniwérsitétining qaramay shöbisini püttürgen aliy mektep oqughuchilirigha yazghan jawab xétining ikki yilliq xatirisige béghishlap échilghan iken. Bundin ikki yil awwal shi jinping xitay oqughuchilirini Uyghur élida yiltiz tartishqa chaqirghan bolup, eyni waqitta uning bu xéti xitaydiki hökümet tor betliride keng teshwiq qilin'ghan idi.

Mezkur yighinda yene “Shi jinpingning yashlar xizmiti toghrisidiki muhim idiyesini chongqur öginip, yash oqutquchi ـ oqughuchilarni shinjanggha kélip oqush we ishlesh, ishqa orunlishishqa jelp qilish؛ türlük chare ـ tedbirlerni ishqa sélip aliy mektepni püttürgen oqughuchilarning chégra rayonda yiltiz tartishi we chégra rayon'gha özini béghishlishi üchün shara'it hazirlash” heqqide yolyoruq bérilgen.

Xitay hökümiti 2017- yilidin tartip Uyghur élida keng kölemlik tutqun herikiti yürgüzüp az dégende 2 milyon Uyghurni lagérlargha qamighan we yene nurghunlighan emgek küchlirini xitay ölkilirige mejburiy halda yötkigen. Shundin buyan xitay hökümiti Uyghur éligha her xil nam we bahanilar bilen xitay nopusini yerleshtürüshni muhim istratégiye qatarida ijra qilip kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.