Da'iriler qeshqerde “Junggo qeshqer tori” ni yolgha qoyghan

Xelq tori Uyghurche qanilining bügünki xewirige qarighanda, shendung ölkisi bilen qeshqer wilayiti birliship, Uyghur we xitay til-yéziqidiki “Junggo qeshqer tori” ni yolgha qoyghanliqi melum.

Xewerde ilgiri sürülüshiche, shendung ölkisi “Junggo qeshqer tori” ni qurup chiqish türige jem'iy 30 milyon som meblegh salghan bolup, uni nöwette xitay hökümiti küchep teshwiq qiliwatqan “Yipek yoli iqtisad belwéghi” diki köp tilliq tor békitige aylandurushni nishan qilmaqtiken.

Igilinishiche, “Junggo qeshqer tori” shendung ölkilik partkomning “Medeniyet arqiliq shinjanggha yardem bérish türi” bolup, mezkur torni qeshqer wilayetlik partkom teshwiqat bölümi bilen “Qeshqer géziti” birlikte bashquridiken. Uningda asasliqi qeshqerni merkez qilghan yipek yoli belwéghidiki iqtisadiy we medeniyet uchurlirini tarqitish, atalmish “Milletler ittipaqliqi” teshwiq qilish hemde qeshqerning obrazini tiklesh qatarliq mezmunlar tonushturulidiken.

Xitay hökümitining gherbni échish istratégiyesi yolgha qoyulghandin buyan, Uyghur aptonom rayonidiki her bir wilayet we oblast melum bir xitay ölkisige baghlap bérilgen bolup, közetküchiler buni Uyghur élining bayliq menbelirini bölüp talan-taraj qilish shundaqla ichki xitaydin köchmen köchürüsh istratégiyesining bir qismidur, dep qarimaqta.