Xitayning changjyang derya wadisidiki kelkünde 49 milyon adem apetke uchridi

Xitayda bu yil höl-yéghinning ziyade köp yéghishi seweblik, changjyang derya wadisidiki xubéy, enxuy, xunen, jiyangshi, fujyen qatarliq on ölkide yüz bergen kelkün apitide 49 milyon adem apetke uchridi.

Xitayning changjyang apet rayoni bash shtabining 11-iyuldiki xewiride, yuqiriqi ölkilerdiki kelkün apitide 6-ayning 30-künidin 7-ayning 10 künige qeder 222 kishining kelkünde ölgen yaki ghayib bolghanliqini, chong we ottura tiptiki su ambarliridin tötining, kichik su ambarliridin 403 ning kelkünde zeximlen'genliki tilgha élin'ghan.

Radiyomiz xitay bölümi 12-iyul seyshenbe küni changjyang derya wadisidiki fu ji'en ölkisidiki apet rayoni minching nahiyisidin igiligen ehwaldin melum bolushiche, pütün nahiyide 16 yéza qattiq yamghur we kelkün apitige uchrighan. Xitay taratquliri apette 10 adem ölgen 11 adem ghayib bolghanliqini xewer qilghan. Ziyaritimizni qobul qilghan puqralar mezkur nahiyidiki kelkün apitining “Riwayetlerde teswirlinidighan zaman axiri menzirisini eslitidighanliqi” ni bildürdi. Ular bayanida hökümet da'iriliri élan qilghan kelkünde ölgenler sani heqqidiki xewerning rastliq derijisining töwenlikini bildürüp, “Ular xewerlerde nahiyide 10 adem öldi dédi, emma deryadin süzüwélin'ghan we bazarliq hökümetke élip kélin'gen jesetlerla 100 din ashidu, hökümet jesetlerni udulluq köydürüwatidu” dédi.