Shi jinpingni istépagha chaqirish xéti élan qilin'ghan xitay torining 2 mes'uli dawamliq turup turulmaqtiken

Muxbirimiz erkin
2016-06-24
Share

Ürümchidiki "Wujyé" namliq xitay tor bétining taqalghanliqi, uning 2 mes'ulining hazirgha qeder tutup turuluwatqanliqi melum boldi. Mezkur tor békiti bu yil 3‏ -ayda xitay re'isi shi jinpingni istépagha chaqirish xéti élan qilip, zor ghulghula qozghighan.

Xitay ijtima'iy taratqulirida ashkarilishiche, "Wujyé" torining bash ijra'iye mudiri awyang xunglyang bilen aliy muherriri chéng shéngjungning tutup turuluwatqinigha 101 kün bolghan.

Awyang xunglyangning ayali jüme küni xitay ijtima'iy taratqulirida élan qilghan uchurida, awyang xunglyang "Alaqidar organlarning tekshürüshige yardemlishiwatqachqa uning bilen alaqimiz üzülüp qalghili 101 kün boldi" dégen.

"Sadiq kompartiye ezaliri" ning namida yézilghan bu xetning ürümchidiki bir hökümet torida élan qilinishi her xil gumanlarni qozghighan idi.

Awyang xunglyangning ayalining bildürüshiche, tor békiti bu yil 3‏-ayda mejburiy taqilip, uning xadimlirining hemmisi ishsiz qalghan. Da'iriler ularning dawalash we bashqa ijtima'iy sughurtilirini késip tashlighan.

Burun mezkur torda ishligen bir xadim firansiye agéntliqigha bergen uchurida, bu torning xu'ang jijyé isimlik yene bir mes'uli bu yil 3‏-ayda tutqun qilin'ghan bolsimu, emma kéyinrek qoyup bérilgenlikini bildürgen.

Shi jinping istépagha chaqirilghan u xette, shi jinpingning hoquqni özige merkezleshtürüp, iqtisadni bashquralmighanliqi, idé'ologiyelik kontrolluqni kücheytkenliki tenqid qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet