Xitay xelq'aradiki axbarat erkinliki we zhurnalistlar üchün eng xeterlik dölet dep bahalandi

Muxbirimiz irade
2016-12-13
Share

Bügün, xelq'ara chégrasiz muxbirlar teshkilati yilliq axbarat erkinliki doklatini élan qilip, dunyadiki 180 döletni axbarat erkinlik derijisige qarap retke tizip chiqti. Xitay bu tizimlikte 176-orun'gha tizilip, eng nachar döletler qataridin orun alghan.

Doklatta, xitay dölet re'isi shi jinpingning dölet bixeterlik qanuni we shuninggha oxshash bashqa qanun-tüzümler arqiliq zhurnalistlarning xizmet da'irisini ilgirilep taraytiwatqanliqi, ulargha dölet mexpiyetlikini ashkarilash, dégen'ge oxshash jinayetlerni artip, türmilerge éliwatqanliqi bayan qilin'ghan.

Bügün, yene, xelq'ara muxbirlarni qoghdash komitétimu yilliq doklatini élan qilghan bolup, xitay bu doklattimu dunyadiki zhurnalistlar eng köp türmige tashlinidighan döletlerning biri bolup bahalan'ghan. Uningdin qarighanda, xitayda hazir kem dégende 38 neper zhurnalist türmide bolup, u ekberjan jamal, memetjan abdulla, niyaz qahar, gülmire imin, gheyret niyaz, nijat azad we shundaqla ilham toxti we uning 7 neper oqughuchisinimu öz ichige alidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet