D u q, xitay emeldarlirining islam qurultiyida Uyghurlargha diniy radikalliq qalpiqi kiydürgenlikini eyiblidi

Muxbirimiz méhriban
2016-11-29
Share

Dunya Uyghur qurultiyi bayanatchisi dilshat rishit bügün radiyomiz arqiliq bayanat bérip, "Xitay emeldarlirining Uyghurlargha diniy radikalliq qalpiqi kiydürüshi, xitay hökümitining nöwette yürgüzüwatqan Uyghurlarni basturushini qanunlashturush rezil meqsitini échip béridu" dep eyiblidi.

Qurultay bayanatchisi dilshat rishit xitay döletlik diniy ishlar idarisi emeldari wang zo enning 26-noyabir bu heqte qilghan sözidin neqil élip, "Xitay hökümiti nöwette Uyghurlargha qarita yürgüzüwatqan diniy basturush siyasiti arqiliq, xitay ölkiliride tirikchilik qiliwatqan Uyghurlargha gherezlik halda diniy radikal qalpiqini kiydürüp, Uyghurlarni xitay ölke, sheherliridin tazilash meqsitini qanunlashturmaqchi" dédi.

Melum bolushiche, xitay diniy ishlar idarisi bashliqi wang zo'en xitayning 10-nöwetlik memliketlik islam dini wekiller qurultiyida söz qilip, xitay ölkiliri we Uyghur aptonom rayonining muqimliqigha kapaletlik qilish üchün, diniy radikalliqqa qarshi turushning muhimliqini tekitligen. Emma xitay weziyitini uzundin buyan közitip kéliwatqan weziyet analizchiliri, chet'ellerdiki Uyghur teshkilatliri we kishilik hoquq teshkilatliri bolsa rayondiki muqimsizliq amillirigha xitay hökümitining diniy we milliy jehettiki basturush siyasiti seweb boluwatqanliqini tekitlimekte.

Programmimizning dawamida bu heqtiki tepsiliy melumatlirimizni anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet