Хитайниң һәҗни чәклиши уйғурларни һәҗ қилишниң һәр хил йоллирини издәшкә мәҗбур қилған

Мухбиримиз әркин
2017-09-01
Share

"оттура шәрқ көзи" намлиқ тор гезити йеқинда мақалә елан қилип, хитай һөкүмитиниң уйғурларға һәҗни чәклиши уларни һәҗ қилишниң һәр хил йоллирини издәшкә мәҗбур қилип кәлгәнликини  билдүрди.

30‏-Авғуст елан қилинған "хитайниң һәҗни бастуруши: уйғурларниң мушәққәтлик һәҗ сәпири" сәрләвһилик мақалидә, уйғурларниң һәҗ қилишиниң қанчилик мушәққәтлик икәнлики оттуриға қоюлуп, хитай һөкүмити 1970‏-йилларниң ахирлиридин башлап ишикни ечиветишкә башлиған болсиму, бирақ униң һәҗни изчил контрол қилип кәлгәнликини тәкитләйду.

Мақалида қәйт қилишичә, хитайниң һәҗ қилишни қаттиқ чәклиши, уйғурларни йеқинқи 30,40  йилдин буян һәҗ қилишниң һәр хил йоллирини издәшкә мәҗбур қилған.

Мақалида  2016‏-йили һәҗгә барған айшә исимлик 16 яшлиқ бир уйғур қизниң кәчүрмишини тонуштуруп, айшәниң  2016‏-йили сәуди әрәбистанда ишләмчилик қилидиған дадисиниң чақиртиши билән һәҗ қилғанлиқи, бирақ улар һәҗдин кейин юртиға барса, даириләрниң дадисини солап қоюп, паспортини тартивалғанлиқи, айшәниң дәрһал түркийәгә қечип чиққанлиқини әскәртип, "айшә бу әһвалға дуч кәлгән бирдин бир киши әмәс" дәп көрситиду.

Мақалида қәйт қилишичә, уйғурлар  уйғур районида көп санлиқ нопусни тәш қилсиму, бирақ саяһәт қилиш вә диний ибадәт ишлирида қаттиқ чәклимигә учрап кәлгән.

Даириләр йеқинда уйғурларниң паспортлирини йиғивалған. Хитай һөкүмити һәр йили мусулманларни һәҗ қилишқа тәшкиллисиму, бирақ у, һаҗиларға қаттиқ сиясий өлчәм қоюп, уларниң санини контрол қилип кәлгән.

Хитай ахбаратиниң хәвәр қилишичә, бу йил хитайдин 12800 мусулман һәҗгә барған. Уларниң 20% ни уйғурлар тәшкил қилған.

Бәзи хәвәрләрдә, һәҗ өмикидики кадирлириниң уйғур һаҗиларни қаттиқ тәқиб қилип, уларниң уйғур муһаҗирлар билән сөзлишишини чәкләнгәнликини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт