Béyjing saqchilirining intérnétqa qaratqan qamali kücheymekte

Muxbirimiz irade
2014-10-09
Share

Béyjing saqchiliri 2011-yilidin buyan jem'iy 30 ming kishini intérnétqa alaqidar jinayetler bilen qolgha alghan.

Bügün shinxu'a agéntliqi teripidin élan qilin'ghan yéngi bir statistikida körsitilishiche, béyjing saqchi da'iriliri 2011-yilidin hazirghiche “Intérnét jinayetchilirige zerbe bérip, sap muhit yaritish” deydighan herikiti dawamida, intérnétta jem'iy 17 milyon “Qanunsiz mezmun” ni öchürgenlikini we térrorluq heriketlirige chétishliqi bar dep qaralghan 50 kishini qolgha alghanliqini bildürgen. Biraq, shinxu'a xewiride, bu térrorluq weqelirining tepsilati we qolgha élin'ghanlarning kimliki heqqide toxtalmighan.

Ular, bu zerbe bérish herikitining intérnét jinayetchilirini, ösek söz tarqatqanlarni we shundaqla zorawan-térrorluq mezmunidiki nersiler we shuninggha chétilidighan kishilerni nishan qilghanliqini bildürgen.

Biraq, xelq'ara kishilik hoquq organliri shi jinping hökümitining bu arqiliq intérnétqa qaratqan qamalini kücheytip, pikir erkinlikige éghir zerbe bériwatqanliqini bildürmekte. Bolupmu yéqinqi yillardin buyan xitay hökümiti “Intérnétta qanunsiz diniy matériyallarni, diniy radikalliq we térrorluqqa a'it matériyallarni körgen” dégen jinayet bilen nurghun Uyghurlarni qolgha alghan idi.

Shinxu'aning éytishiche, da'iriler bu yil 6-ayghiche intérnéttiki térrorluqqa a'it 3300 mezmunni, 728 ün-sin matériyalini öchürüp, 11 ming intérnét bashqurghuchisini jazalighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet