Xitay kishilik hoquq aktipi jang xeytawgha 19 yilliq qamaq jazasi berdi

Muxbirimiz irade
2016.01.21

Uyghur élidiki sot da'iriliri xitay hökümitining Uyghur aptonom rayonidiki siyasetlirini ochuq-ashkara tenqid qilghan xitay kishilik hoquq aktipi jang xeytawni “Aghdurmichiliq we jasusluq” jinayiti bilen eyiblep, 19 yilliq qamaq jazasigha höküm qilghan.

Istansimiz igiligen uchurdin qarighanda, uning dawasi ürümchi ottura sot mehkimiside körülgen bolup, sot qarari 18-yanwar küni uning ayali li eyjyége uqturulghan. Li eyjyé radi'omizgha bildürgen ipadiside érige bérilgen jazaning bekla éghir bolup ketkenlikini, érige köp bolghanda 2-3 yil qamaq jazasi bérilidu, dep perez qilghanliqini, emma oylimighan yerdin 19 yilliq qamaq jazasi bérilgenlikini bildürgen we “Bu hökümetning ishliri zadi qandaq? u peqet shinjangda bolghanliqi üchünla mushundaq éghir jazalandimu, shinjangda adette jaza mushundaq éghir bolamdu?” dégen.

Jang xeytaw xitay hökümitining Uyghur élidiki siyasetlirini tenqid qilip torda maqale élan qilghandin kéyin yeni, 2015-yili 26-iyun küni tutqun qilin'ghan. Sot da'iriliri uning intérnétqa yazghan maqalilirini we bezi chet'el axbarat organlirigha qilghan sözini “Jinayet ispati” ornida qollan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.