Мухбирларни қоғдаш җәмийити: “мухбирлар әң көп тутқун қилинған дөләт-хитай”

Мухбиримиз меһрибан
2015.04.21
Share on WhatsApp
Share on WhatsApp

Америкидики мухбирларни қоғдаш җәмийити 21-апрел сәйшәнбә күни хәлқарада мухбирлар әң көп тутқун қилинған дөләтләр һәққидә доклат елан қилди.

Хитай 2014-йилда мухбирлар әң көп тутқун қилинған 10 дөләт ичидә 8-орунға тизилған болуп, доклатта көрситилишичә, 2014-йили хитайда җәмий 44 мухбир қолға елинған. Доклатта йәнә, шималий корейә, иран, әзәрбәйҗан, вийетнам қатарлиқ дөләтләрму мухбирларға қаритилған тәқиб қилиш әң еғир дөләтләр қатарида тилға елинған.

Хитай һөкүмити йиллардин буян қолға елинған мухбир, язғучиларға “дөләт мәхпийәтликини ашкарилаш, дөләтни парчилашқа урунуш, бөлгүнчилик идийилирини тәшвиқ қилиш, һөкүмәт органлири вә һөкүмәт хадимлири һәққидә торда ялған хәвәр тарқитип қутратқулуқ қилиш” қатарлиқ көп хил җинайәтләрни артип, җазалап кәлмәктә. Хәлқара кишилик һоқуқ тәшкилатлири вә ғәрб демократик дөләтлири болса, хитай һөкүмитини һәқиқәттә туруп, раст гәп қилған мухбир, язғучиларни түрлүк баһаниләр билән тутқун қилип, уларға зиянкәшлик қилмаслиққа, түрмидики барлиқ “виҗдан мәһбуслири”ни қоюп беришкә чақирмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.