Gu'angshidiki zenjirsiman partlash weqesining gumandarining aqiwiti hazirgha qeder éniq emes

Muxbirimiz erkin
2015-10-01
Share

Xitay axbarati, gu'angshi ju'ang aptonom rayonining lyuchéng nahiyesidiki zenjirsiman partlash weqesining gumandari wéy yingyong isimlik shexsning aqiwiti hazirgha qeder éniq emeslikini bildürdi.

Gu'angju "Jenubiy astana géziti"ning ashkarilishiche, wéy famililik gumandar ju'ang millitidin bolghan 33 yashlardiki bir kishi bolup, uning xongkong we makawgha sayahet qilish yol xéti hem pasporti bar iken.

"Jenubiy astana géziti" xewiride, wéy famililik gumandarning 2014‏-yili 12‏-ayning 1‏‏-küni tayland dölitige chiqip, shu yili 7‏-dékabir qaytip kelgenlikini ilgiri sürgen.

Xewerde yene, wéy famililik gumandarning lyuchéng nahiyesidiki bir tash kénida partlatquch buyumlarni saqlash xadimi bolup ishleydighanliqini, uning ayali shu kanning bixeterlik xadimini ikenlikini ilgiri sürgen.

Xitay axbarati ilgiri wéy yingyongning rohiy késili barliqi, uning öch élish gherizide bu partlashni pilanlighanliqini ilgiri sürgen bolsimu, biraq alaqidar terepler bu pikirni "Ré'alliqqa bek uyghun emes"dep ret qilghan.

Nöwette, saqchi terep partlashni "Jinayi délo, térrorluq hujum emes" dep békitken bolsimu, biraq gumandarning bundaq zor partlashni pilanlashtiki gherizi melum emes. Charshenbe küni yüz bergen zenjirsiman partlash weqeside 7 adem ölgen, 51 adem yarilan'ghan. Bezi xewerlerde, 2 ademning iz dériki yoqluqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet