Xitay da'iriliri herbiy septin qaytqanlar xizmet yighini achti

Muxbirimiz eziz
2021-01-27
Share

"Shinjang géziti" ning 27-yanwardiki xewiride éytilishiche, buningdin üch kün ilgiri Uyghur aptonom rayonluq hökümet herbiy septin qaytqanlar üchün seperwerlik xizmet yighini achqan. Uyghur aptonom rayonluq hökümetning mu'awin re'isi wang jéngjün yighinda söz qilip: "Shi jinpingning herbiy septin qaytqanlar heqqidiki muhim yolyoruqini hemde buning shinjangning muqimliqini saqlashtiki ehmiyitini untumasliqimiz lazim" dégen.

Yighinda otturigha qoyulghan pikirler birdek Uyghur diyaridiki herbiy septin qaytqanlarni xitay kompartiyesining "Shinjangni idare qilish istratégiyesi üchün xizmet qildurush" qa merkezleshken. Shundaqla bu xadimlarni Uyghur diyaridiki herqaysi sheherlerning özige xizmetke élish, shu arqiliq xitay kompartiyesi qurulghanliqining 100 yilliqini ongushluq kütüwélish tekitlen'gen.

Uyghur diyaridiki herbiy qisim eskerlirining asasen xitaylardin élinidighanliqini tekitligen analizchilar "Bu xitay hökümitining téximu köp sabiq xitay eskerlerni Uyghurlarni idare qilish sépige qoshushqa chaqiriq qilishidin bashqa nerse emes. 1950-Yillirimu xitay hökümiti gomindang qalduqlirini ichkirige qayturmastin bingtu'en qilip teshkilligen" dédi.

Melum bolushiche, xitay hökümiti yéqinqi mezgillerdin buyan Uyghur diyaridiki herbiy qisimlar qurulushigha zor küch chiqiriwatqan bolup, téxi yéqinda bu jaydiki qoralliq saqchilargha gérmaniyedin uchquchisiz ayropilan import qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet