Xéylungjyang ölkisining mishen sheherlik hökümiti xitay ahalilirini Uyghur qachqunlardin agah bolushqa chaqirghan

Muxbirimiz qutlan
2015-08-31
Share

Melum bolushiche, xéylungjyang ölkisining mishen sheherlik hökümiti 28-awghust mexsus uqturush chiqirip, xitay ahalilirini Uyghur qachqunlardin agahlandurghan.

Mishen sheherlik hökümetning "Térrorluqqa qarshi rehberlik guruppisi" namida chiqirilghan mezkur uqturushqa "Diqqet, térrorchilar mishen éghizi arqiliq dölet chégrasidin oghriliqche ötüshke urunuwatidu" dégen mawzu qoyulghan.

Uqturushta mundaq déyilgen: "Igilishimizche, térrorchilar xéylungjyang ölkisining chégra sheher we nahiyeliri arqiliq rusiye tewesige ötüp, u yerdin üchinchi dölettiki térrorchilarning yoshurun bazisigha bérip herbiy telim-terbiye élishqa urunmaqta. Mishen shehiri rusiye bilen 200 kilométirliq chégra liniyesige ige. Térrorchilarning mishen tewesidin rusiyege ötüsh éhtimali zor. Ular egerde chégra boyida bayqalghan haman neq meydanda hujum qozghap bizge qarshi "ghazat" urushi élip bérishi mumkin."

Uqturushta yene "Térrorchilar" ni perqlendürüsh we ularni saqchigha melum qilishta ularning 7 türlük gumanliq alamitige alahide diqqet qilishni uqturghan. Uning birinchiside "Shinjang tewelikidin kelgen, chiray-shekli we yürüsh-turush jehette Uyghurlargha oxshaydighan gumandarlargha alahide diqqet qilish" eskertilgen.

Közetküchiler, xitayning jenubiy we shimalidiki chégra ölkiliride bu xildiki hökümet uqturushlirining ochuq-ashkara halda chiqirilishi, xitay hökümitining ichki qisimda Uyghurlargha pütün millet gewdisi bilen "Düshmen" qatarida mu'amile qiliwatqanliqining bir delili, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet