Волмартниң хитайдики базиридин “шинҗаң маллири” ни йиғиветиши хитайда ғулғула қозғиған

Мухбиримиз әркин
2021-12-27
Share

24-Декабир күни американиң әң чоң парчә сетиш зәнҗири болған волмарт вә самс кулубниң хитайдики тор базарлиридин “шинҗаң мәһсулатлири” йиғиветилгән. Бу әһвал хитайдики милләтчи тор қолланғучилириниң ғәзипини қозғиған болуп, улар самс кулубниң әзалиқ картини қайтуруветидиғанлиқи тоғрисида давраң салған. Мәлум болушичә, нөвәттә “шинҗаң мәһсулатлири” хәлқарада уйғур мәҗбурий әмгикиниң симвулиға айлинип қалғачқа, униңға алақидар һәрқандақ бир позитсийә хитай даирилирини яки хитай милләтчи тор қолланғучилирини биарам қилидиған мәсилә болуп қалған.

Радиомиз хитай бөлүминиң хәвәр қилишичә, 24-декабир рождества байрими һарписи күни волмарт вә самс кулубниң хитайдики тор базиридин уйғур елиниң бир қанчә йәрлик мевә мәһсулатлиридин башқа мәһсулатлири чиқириветилгән. Радийомиз хитай бөлүминиң хәвәр қилишичә, бу әһвал хитай тор қолланғучилириниң диққитини қозғиған.

Хәвәрдә, нурғун хитай таратқулириниң истемалчиларниң бу һәқтики шикайәтлирини хәвәр қилғанлиқини билдүргән. Истемалчилар самс кулубниң ториға кирип, “шинҗаң” дегән хәтни киргүзгән болсиму, бирақ униңдин пәқәт “қумул қоғуни”, “шинҗаң чилани”, “шинҗаң үрүки” дегән бир қанчә мәһсулатла чиққан. Башқа мәһсулатларни ‍издисә “кәчүрүң, сиз издигән мәһсулат тепилмиди” дегән җавабқа еришкән.

Хәвәрдә ейтилишичә, хитай тор қолланғучилири волмарт билән самс кулубқа телефон қилип, улардин немә үчүн “шинҗаң мәһсулатлири” ни чиқиривәткәнликини сориған. Волмарт билән самс кулуб буниңға юқум сәвәб болғанлиқи, кейинрәк йәнә базарға селинидиғанлиқини ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт