Wolmartning xitaydiki baziridin “Shinjang malliri” ni yighiwétishi xitayda ghulghula qozghighan

Muxbirimiz erkin
2021-12-27
Share

24-Dékabir küni amérikaning eng chong parche sétish zenjiri bolghan wolmart we sams kulubning xitaydiki tor bazarliridin “Shinjang mehsulatliri” yighiwétilgen. Bu ehwal xitaydiki milletchi tor qollan'ghuchilirining ghezipini qozghighan bolup, ular sams kulubning ezaliq kartini qayturuwétidighanliqi toghrisida dawrang salghan. Melum bolushiche, nöwette “Shinjang mehsulatliri” xelq'arada Uyghur mejburiy emgikining simwuligha aylinip qalghachqa, uninggha alaqidar herqandaq bir pozitsiye xitay da'irilirini yaki xitay milletchi tor qollan'ghuchilirini bi'aram qilidighan mesile bolup qalghan.

Radi'omiz xitay bölümining xewer qilishiche, 24-dékabir rozhdéstwa bayrimi harpisi küni wolmart we sams kulubning xitaydiki tor baziridin Uyghur élining bir qanche yerlik méwe mehsulatliridin bashqa mehsulatliri chiqiriwétilgen. Radiyomiz xitay bölümining xewer qilishiche, bu ehwal xitay tor qollan'ghuchilirining diqqitini qozghighan.

Xewerde, nurghun xitay taratqulirining istémalchilarning bu heqtiki shikayetlirini xewer qilghanliqini bildürgen. Istémalchilar sams kulubning torigha kirip, “Shinjang” dégen xetni kirgüzgen bolsimu, biraq uningdin peqet “Qumul qoghuni”, “Shinjang chilani”, “Shinjang ürüki” dégen bir qanche mehsulatla chiqqan. Bashqa mehsulatlarni ‍izdise “Kechürüng, siz izdigen mehsulat tépilmidi” dégen jawabqa érishken.

Xewerde éytilishiche, xitay tor qollan'ghuchiliri wolmart bilen sams kulubqa téléfon qilip, ulardin néme üchün “Shinjang mehsulatliri” ni chiqiriwetkenlikini sorighan. Wolmart bilen sams kulub buninggha yuqum seweb bolghanliqi, kéyinrek yene bazargha sélinidighanliqini éytqan.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet